Казанда Акробатик рок-н-ролл буенча бөтенроссия ярышлары узачак

Казанда Акробатик рок-н-ролл буенча бөтенроссия ярышлары узачак

<div class="detail-picture"> <img src="https://kzn.ru/bitrix/tools/upload.php?bxu_info[CID]=CID1773923310444&bxu_info[mode]=view&bxu_info[hash]=file1773923686547&bxu_info[copy]=default"> <p class="detail-picture__caption"> Фото: Денис Гордийко </p> </div> 20–22 март көннәрендә «Ак барс» Көрәш сараенда Акробатик рок-н-ролл буенча бөтенроссия ярышлары узачак. Чарага Россиянең 27 төбәгеннән 2,5 меңнән артык спортчы җыелачак. Катнашучылар арасында: гамәлдәге дөнья чемпионнары һәм эре халыкара турнирларда җиңүчеләр.<br> <br> Ярышларның беренче көне, 20 март, 6 яшьтән өлкәнрәк катнашучылар чыгышыннан башлана. Шулай ук бу көнне өлкән хатын-кызлар командалары арасында иң көчлеләр билгеләнәчәк.<br> <br> Ярышларның рәсми ачылышы 21 мартта 18:00 сәгатьтә була. Шимбә программалары иң тамашалысы булырга вәгъдә итә: бу көнне очу акробатикасы элементларын үз эченә алган ир-атлар һәм хатын-кызлар арасында «М класс-микст» дисциплинасы буенча ярышлар узачак. Катнашучылар арасында:гамәлдәге дөнья чемпионнары һәм БРИКС илләре уеннары призерлары. Бу дисциплинада финал ярышлары тантаналы ачылыштан соң ук башланачак.<br> <br> Йомгаклау көне, 23 март, «акро-свинг» акробатик рок-н-роллдагы яңа юнәлешкә багышланачак. Бу стиль свинг стилендәге биюләрнең берничә юнәлешен шоу һәм акробатика элементлары белән берләштерә, дип хәбәр итә ТР Спорт министрлыгы.<br> <br> Татарстан Республикасын ярышларда Казанның алты клубы: «Стимул», «Аметист», «Фокс-Казан», Идел буе «Физик культура, спорт һәм туризм дәүләт университеты» спорт клубы ассоциациясе, «Fun Double Dance», «Boogie-Woogie Energy Казань» клубларыннан 100 гә якын спортчы, шулай ук «Татнефть-Әлмәтем» клубы данын яклаучы Әлмәт биючеләре тәкъдим итәчәк.<br> <br> Тамашачылар өчен ярышларга керү ирекле.<br>

2026-03-19T15:25:11+0300