Казанда кояш батареялары белән эшли торган көймәләр ярышлары узачак

Казанда кояш батареялары белән эшли торган көймәләр ярышлары узачак

<p> <img width="870" src="https://www.kzn.ru/upload/iblock/31d/tekst321.jpg" height="653"><br> </p> <p> (Казан шәһәре KZN.RU, 13-нче июнь). 27-нче июньнән 30-нчы июньгә кадәр Казанның Түбән Кабан күлендә беренче тапкыр «Кояшлы регата» инженерлык ярышлары узачак. Уникаль экологик көймәләр белән тизлектә һәм маневр ясау сәләтендә илнең 26 регионыннан 50-дән артык команда ярышачак. </p> <p> Ярышлар Россиядә 2014 елдан бирле үткәрелә. Инженерлык командалары кояш энергиясе хисабына хәрәкәт итә торган көймәләрнең тизлегендә, маневр ясау сәләтендә һәм чыдамлылыгында көч сынашачак. Элегрәк узышлар Мәскәү, Санкт-Петербург, Түбән Новгород, Владивосток, Калининград, Бөек Новгород һәм Грозный шәһәрләрендә узды. </p> <p> 2018 елдан башлап ярышлар беренче тапкыр мәктәп командалары арасында уза башлады, элек «Кояшлы регата»да, нигездә, Россиянең техник югары уку йортлары студентлары катнашты. Шулай ук яңа юнәлеш – кояш батареяларында суднолар-пилотсыз очкычлар ярышы барлыкка килде. Мондый категория Россиянең барлык төбәкләрендә мәктәп укучылары өчен һөнәри юнәлеш бирү программаларына инновацион технологияләр кертүгә игътибарны җәлеп итү өчен булдырылды, дип хәбәр итә ярышларны оештыручылар. </p> <p> 2019 елда ярышларда тагын бер уникаль номинация – көймәләрнең 3D-моделе тәкъдим ителәчәк. </p> <p> Мәктәп ярышларында җиңүчеләргә «Кояшлы регата» кубогы – 2018 елда гамәлгә куелган күчмә бүләк тапшырылачак, дип хәбәр итә ярышларны оештыручылар. </p>

2019-06-13T11:45:45+0300