Казанда рәссам Анатолий Крылов белән иҗади очрашу узачак

Кунаклар 8 минут вакыт эчендә портрет яза алачак.

(Казан шәһәре KZN.RU, 19-нчы февраль). Бүген Казанда рәссам Анатолий Крылов белән иҗади очрашу узачак. Анда барлык теләүчеләр катнаша ала.

Казанлылар белән очрашуда рәссам килүчеләрнең сорауларына җавап бирәчәк. Кунаклар шулай ук 8 минут вакыт эчендә портрет язу буенча конкурста катнаша ала. Моның өчен үзең белән А4 кәгазе, гади карандаш һәм бозгыч алып килергә кирәк. Конкурста җиңүчеләргә бүләкләр тапшырылачак.

Анатолий Крылов - Казан сәнгать көллиятенең Яшел Үзәндәге филиалы мөдире, В.И.Суриков исемендәге исемендәге Мәскәү дәүләт академия сәнгать институтының Казандагы филиалы доценты, Татарстан Республикасының атказанган сәнгать эшлеклесе һәм хезмәт ветераны. 2004-2005 елларда профессор Кытай педагогика университетында сурәт һәм рәсем сәнгате укыткан.

Килүчеләр шулай ук Татарстан Республикасы Ветераннар берлеге музеенда экскурсиядә була һәм ТАССРның 100 еллыгына һәм Бөек Ватан сугышында җиңүнең 75 еллыгына багышланган экспозицияләрне карый алачак.

Иҗади очрашу 15.00 сәгатьтән 17.00 сәгатькә кадәр түбәндәге адрес буенча узачак: Патрис Лумумба ур., 4, 217 кабинет, дип хәбәр итә ТР Рәссамнар берлеге. Барлык сораулар буенча телефон аша мөрәҗәгать итәргә мөмкин: +7(967)467-00-73.

Шулай ук укыгыз

Барлык яңалыклар