Яңалыклар
16.09.2019, 16:10
Казанда тәгәрмәчле чаңгыларда узышу буенча Time Sprint 2019 ачык чемпионаты узачак
Чемпионат 200-ләп катнашучыны берләштерер дип көтелә.
(Казан шәһәре KZN.RU, 16-нчы сентябрь). 22-нче сентябрьдә Казанда тәгәрмәчле чаңгыларда узышу буенча Time Sprint 2019 чемпионаты узачак, чара чаңгы узышлары һәм спорт ориентлашуы буенча спорт мәктәбенең 50 еллыгына багышлана.
Ярышлар төп дүрт төркемдә узачак: 1983-2002 елларда туган ир-атлар арасында, 1982 елда туган һәм аннан өлкәнрәк ир-атлар арасында, 1983-2002 елларда туган хатын-кызлар арасында, 1982 елда туган һәм аннан өлкәнрәк хатын-кызлар арасында. Катнашу өчен гаризаны gfg58@bk.ru электрон почтасы аша яки 8(905)313-87-52 телефоны буенча бирергә мөмкин. Чемпионат 200-ләп катнашучыны берләштерер дип көтелә.
Ярышның старты 22-нче сентябрьнең 10.00 сәгатенә «Казан Арена» стадионы янындагы территориядә билгеләнде: Ямашев проспекты, 115а, дип хәбәр итә Физик тәрбия һәм спорт комитеты.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
