Казанда ушу буенча ТР Ачык чемпионаты һәм беренчелеге узачак

Анда бөтен республикадан 120-дән артык спортчы катнашачак.

(Казан шәһәре KZN.RU, 23-нче гыйнвар). 26 гыйнварда Казан Бокс һәм өстәл теннисы үзәгендә ушу буенча Татарстан Республикасы Ачык чемпионаты һәм беренчелеге узачак. Ярышларда 120-дән артык спортчы катнашыр дип планлаштырыла.

Республика ярышлары февраль аенда Пермьдә узачак Идел буе федераль округы чемпионатына һәм беренчелегенә сайлап алу турнирлары булачак.

Турнирларны ачу тантанасы Казанда 10.00 сәгатьтә була, теләгән һәркем ярышларны карый алачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар