Казанда Яңа ел экофесты узачак

Программада – эко-нетворкинг, лекторий, мастер-класслар, ярминкә һәм башкалар.

(Казан шәһәре KZN.RU, 25-нче декабрь). 29-нчы декабрьдә Татарстан башкаласында IV Яңа ел экофесты узачак. «Штаб» креатив индустрияләр резиденциясендә фестиваль кунакларын бизнес өчен эко-нетворкинг, лекторий, мастер-класслар, балалар мәйданчыгы, фудкорт, эко-товарлар ярминкәсе һәм башкалар көтә.

Фестивальнең беренче чарасы бизнес өчен эко-нетворкинг булачак, ул 10.30 сәгатькә планлаштырылган. Катнашучылар - алар арасында кофеханәләр, экокибетләр, мегамаркетлар, коворкинглар һәм икенчел чималны эшкәртүгә бәйле оешмалар бар - экология өлкәсендә үз инициативалары турында сөйлиячәкләр. Тыңлаучылар чарага алдан теркәлү буенча керә алачак.

12.00 сәгатьтә фестивальнең гомуми программасы оештыручыларның – «ЭкоЛогично Казань» берләшмәсенең - үз проектларын тәкъдим итүе белән башлана.

Хәйрия оешмалары вәкилләре белән оpen-talk, шулай ук мастер-класслар үткәрү 13.15 сәгатькә планлаштырылган.

14.00 сәгатьтә лекцияләр башлана, алар көн ахырына кадәр дәвам итәчәк һәм бүләкләр уйнату белән тәмамланачак. Ә 18.30 сәгатьтә теләге булган һәркем «Отец Байкала» фильмын карый һәм картинаны төшерүчеләр белән аның хакында фикер алыша ала.

Шулай ук көн дәвамында балалар мәйданчыгы, фуд-корт һәм эко-товарлар ярминкәсе эшләячәк.

Экофест 19.00 сәгатьтә тәмамланачак, дип хәбәр итә оештыручылар. Тулырак мәгълүматны социаль челтәрләрдә ачыкларга була.