Казанда тарихи үзәктә төзелеш икътисады буенча халыкара форум узачак

Казанда тарихи үзәктә төзелеш икътисады буенча халыкара форум узачак

<p> </p> <div class="detail-picture"> <img src="https://kzn.ru/upload/iblock/7ca/DEN_5653-870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 24 нче гыйнвар). 15-16 нчы мартта Казанда «Ребус» халыкара форумы узачак, аның кысаларында тарихи үзәктә төзелеш икътисады турында фикер алышачаклар. Анда Россиянең 50 дән артык төбәгеннән төзелеш һәм мәдәният тармагы белгечләре, БДБнең 15 иленнән һәм ерак чит илләрдән вәкилләр катнашачак. </p> <p> «Бүген дәүләт һәм шәхси девелопмент заманча сыйфатлы объектлар төзелешенә күп акча сала. Архитектура объектлары тарихи үзәктә төзелә – бу торак та, офислар да, кунакханәләр дә. Монда да балансны саклау мөһим, төзелеш шәһәр халкы өчен файдалы булырга, архитектурага гармонияле яраклашырга һәм шул ук вакытта икътисади яктан акланырга тиеш. Һәр төбәкнең мондый территорияләрне үстерү буенча үз тәҗрибәсе бар, һәм катнашучыларга бу проектларны өйрәнү файдалы булачак», - дип шәрехләде Татарстан Республикасы Президенты Рөстәм Миңнеханов. </p> <p> Форумның төп бурычы – Россиядә дә, кайбер чит илләрдә дә бу өлкәдә иң яхшы тәҗрибәләрне һәм кейсларны җыю һәм анализлау, шулай ук аларны төбәкләр һәм федераль үзәк эшенә кертү буенча методик тәкъдимнәр тәкъдим итү. Тарихи территорияләрдәге төзелештә кулланыла торган төзелеш материалларына аерым игътибар бирү планлаштырыла. </p> <p> Форумда тормышка ашырылган үсеш проектларының уңыш сере, тарихи территорияләрдә икътисади активлыкның чикләнүе һәм мөмкинлекләре, шулай ук тарихи үзәктә заманча девелоперларның нәрсәне куркыныч астына куюы һәм нәрсәләр тудыруы, төбәкләрнең нинди проектлау һәм тәңгәллекләрне саклау методикаларыннан файдалануы турында сөйләшәчәкләр. </p> <p> Чара кысаларында тематик дискуссияләр, регионнарның тарихи үзәкләрдәге инвестицион җәлеп итүчән объектлары һәм төзелеш материаллары күргәзмәләре планлаштырыла. </p> <p> Шәһәрләрнең тарихи үзәкләрендә төзүнең яңа мисаллары темасына панель дискуссиядә шәһәрләрнең һәм төбәкләрнең беренче затлары, профильле федераль түрәләр катнашачак. Шулай ук тарихи территорияләрне үстерүнең иң яхшы тәҗрибәләре халыкара конкурсының өч номинациясе буенча йомгак ясалачак. </p> <p> Чара РФ Төзелеш һәм ТКХ министрлыгы һәм Татарстан Республикасы Президенты, РФ Архитекторлар берлеге ярдәме белән узачак. Форумны ТР Инвестицион үсеш агентлыгы, ТР Төзелеш, архитектура һәм ТКХ министрлыгы оештыра. </p>

2023-01-24T13:15:50+0300