Казанда «Урманга кергән саен...» дигән квест-өмә узачак

Шәһәрлеләр Зөбәрҗәт күле территориясен чистарта алачак.

Фото: Казан шәһәре KZN.RU

(Казан шәһәре KZN.RU, 7-нчы сентябрь). 11-нче сентябрьдә Казанда «Урманга кергән саен...» исеме астында шимбә өмәсе узачак. Барлык теләүчеләрне Юдинодагы Зөҗәрҗәт күле территориясендә квест-уен форматындагы өмәгә чакыралар. Экологик акция «Экология» илкүләм проектының бөтенроссия шимбә өмәсе һәм «Уникаль су объектларын саклау» федераль проекты кысаларында узачак.

Квест-уенда катнашучылар чүпне тизлеккә җыячак һәм аны өч фракциягә аерачак. Һәр тутырылган капчык өчен баллар җыелачак, һәм акция нәтиҗәләре буенча иң актив иреклеләр кыйммәтле призлар алачак. Моннан тыш, чара барышында концерт программасы һәм кыр кухнясы эше планлаштырылган.

Өмәдә катнашу өчен 5 кешедән торган командалар төзергә һәм 9-нчы сентябрь 18:00 сәгатькә кадәр сылтама буенча теркәлергә кирәк. Команда капитаннарына вакытында оператив мәгълүмат алу өчен шулай ук телеграмма-каналга кушылырга кирәк.

Экологик акциягә старт 10:00 сәгатькә планлаштырылган, мәйданчыкта теркәү 8:30 сәгатьтән 9:45 сәгатькә кадәр дәвам итәчәк. Катнашучылар өчен чараны уздыру урынына кадәр шәһәрдән трансфер оештырылачак. Автобуслар Тукай урамы, 64-нче номерлы йорт яныннан һәм КДЭУ парковкасыннан 9:00 сәгатьтә кузгалачак. Җыештыру өчен инвентарь урында биреләчәк.

Өмәне ТР Экология министрлыгы, ТР «Чиста булачак» яшьләр хәрәкәте, Татарстандагв Рус географик җәмгыяте бүлекчәсе оештыра.

Шулай ук укыгыз

Барлык яңалыклар