Казанда "Безнең мирас" Бөтенроссия олимпиадасының финал туры узачак

ТР башкаласыннан тыш, йомгаклау этапларын Самара, Кострома, Чебоксар һәм Түбән Новгород кабул итә.

(Казан шәһәре KZN.RU, 29-нчы гыйнвар). 22-24 февральдә Казанда 8-11 сыйныф укучылары арасында "Безнең мирас" Бөтенроссия ачык интеллектуаль олимпиадасының финал туры узачак. Быелгы турнир "Идел буе" һәм "Халык һөнәрләре" темаларына әйләнде.

2018/2019 елгы Олимпиада сентябрь аенда мәктәп этабыннан старт алды, соңрак шулай ук муниципаль һәм төбәк турлары узды. Финал чараларын Казаннан тыш Россиянең башка шәһәрләре дә кабул итәчәк. Мәсәлән, 2, 3-4, 5-6 һәм 7-8 сыйныф укучылары өчен ярышлар Самара, Кострома, Чебаксар һәм Түбән Новгородта узачак. Узган ел олимпиада Россиянең 81 төбәгенең 4235 мәктәбеннән, Белоруссия, Казахстан, шулай ук Гвинея, Дания, Италия, Литва, Мальта һәм Словениянең илчелек мәктәпләреннән 272 меңнән артык мәктәп укучысы берләштерде.

Интеллектуаль турнир Россиядә ел саен уздырыла, ул илебез мәдәни мирасын өйрәнү һәм саклау процессында яшьләрне берләштерү максатыннан үткәрелә. Төрле блокларга бүленгән биремнәр балаларга тизлекне һәм хәтердә калдыру, эрудиция, логик бурычларны хәл иткәндә фикерләү тизлеген күрсәтергә мөмкинлек бирә, дип хәбәр итәләр бу уку елында олимпиаданы оештыручы булган Идел буе шәһәрләре ассоциациясендә.

Шулай ук укыгыз

Барлык яңалыклар