Казанда кыска метражлы скандинав фильмнары фестивале узачак

Швеция, Финляндия һәм Норвегия режиссерларының бер документаль һәм биш уен эшен 28 февральдән 3 мартка кадәр күрергә мөмкин булачак.

(Казан шәһәре KZN.RU, 8-нче февраль). Казанда кыска метражлы скандинав фильмнары фестивале узачак. Шәһәр халкы һәм кунаклары швед, фин һәм Норвегия режиссерларының бер документаль һәм биш уен эшен күрә алачак.

Программаның нигезен төп халыкара кинофестивальләрдә катнашучы фильмнар тәшкил итә. "NordicShorts" фестивале программасына кертелгән картиналар шәхси тарихларга һәм режиссерлар тәҗрибәсенә, шулай ук милли тәңгәллеккә, юмор һәм скандинавия илләренең эстетикасына нигезләнгән күләмле авторлык фикерләре тәкъдим итә. Әмма иң мөһиме - карарга кызык булган, тере геройлар белән бергә борчыласы килә торган бик яхшы кино.

Әйтик, Казан тамашачысы "Каяни" дип аталган фин фильмын күрәчәк, анда Франциядән энеле-апалы балачакларын уздырган Финляндиягә НЛО турындагы идеяләр белән янучы әтиләре белән очрашу өчен әйләнеп кайталар . Онытылган милли үзаң гаилә мелодрамасының төп темасы булып тора. Кыска метражлы "Тигр" фильмы шулай ук әтиләр һәм балалар арасындагы мөнәсәбәтләр, катлаулы фин гаиләсендә үсмер чакның чагылу темаларын ачып бирә. Мәхәббәт һәм мөнәсәбәтләр "Швед классикасы" дип аталган "кара" комедиядә үзәк темалар булып тора. Туйның мәңгелек сюжеты биредә икенче яктан ачыла – фаҗига аша геройлар үзләренә һәм теләкләренә төшенә. Норвегиянең "Күзәтүче" тарихы элеккеге сөеклеләр турында сөйли, аларның берсе дә үткәннәрне җибәрергә теләми. Әмма программада "Juck" һәм "Пошел ты" фильмнары аерым урын алып тора. Бу үзенә күрә Швеция режиссерларыннан яңа гүзәллелек манифестлары булып торалар.

Кино күрсәтү 28 февральдән 3 мартка кадәр Ленин ис. мәдәни-күңел ачу комплексы кинотеатрында узачак. Фестивальнең тулырак программасын ВКонтакте социаль челтәрендә оештыручылар сәхифәсендә https://vk.com/kinolenin һәм түбәндәге телефон аша белеп була: (843) 246-32-42.

Шулай ук укыгыз

Барлык яңалыклар