Казанда адаптив хоккей буенча балалар турниры узачак

Казанда адаптив хоккей буенча балалар турниры узачак

<p> </p> <div class="detail-picture"> <img src="https://kzn.ru/upload/iblock/d61/d612cc79ce9c3e6888a2abc495e2fba3.jpg"> <p class="detail-picture__caption"> Фото: ТР Спорт министрлыгының матбугат хезмәте  </p> </div> <p> (Казан шәһәре KZN.RU, 7 нче декабрь). Адаптив хоккей буенча «Көч Кубогы» балалар турниры 11-13 нче декабрьдә Казанда узачак. Ярышларда Россиянең җиде төбәгеннән, шул исәптән Луганск өлкәсеннән 16 командадан 170 тән артык бала катнашачак. </p> <p> Ярышлар ике дисциплинада узачак: терәк-хәрәкәт аппараты бозылган балалар арасында следж-хоккей һәм менталь үсеше бозылган балалар өчен махсус хоккей буенча уеннар. Следж-хоккей «Татнефть Арена»да оештырылачак. Икенче дисциплина «Баско» боз аренасында узачак.  </p> <p> Турнир бер әйләнеш форматында узачак, анда барлык командалар бер-берсе белән уйнаячак. Матчлар озынлыгы 15 минутлык өч периодтан торачак. Җиңүче һәм призерлар максималь балл саны нигезендә билгеләнәчәк.  </p> <p> «Көч Кубогы»ның рәсми ачылу тантанасы 11 нче декабрьдә 13:30 сәгатьтә «Татнефть Арена»да узачак. Уеннарны теләгән һәркем карый ала, дип хәбәр итә ТР Спорт министрлыгының матбугат хезмәте.  </p> <p> Турнирны «Ак Барс» хоккей клубы һәм «Татнефть» хәйрия фонды ярдәме белән Адаптив спортны үстерү үзәге оештырачак. </p>

2023-12-07T16:55:16+0300