Казанда мөмкинлекләре чикле балаларның кул эшләре күргәзмәсе узачак

Чара программасында – «Үзенчәлекле балалар» фотокүргәзмәсе, мастер-класслар һәм иҗат коллективлары чыгышлары.

(Казан шәһәре KZN.RU, 13-нче февраль). 1-нче март көнне Казанның «Мәскәү» мәдәният үзәгендә мөмкинлекләре чикле балаларның кул эшләре күргәзмәсе узачак. Шәһәрлеләр кулдан эшләнгән керамикадан әйберләр – сувенирлар һәм уенчыклар сатып ала алачак. Чара программасында – «Үзенчәлекле балалар» фотокүргәзмәсе, мастер-класслар һәм иҗат коллективлары чыгышлары.

Ярминкә-күргәзмә 12.00-дән 16.00-гә кадәр түбәндәге адрес буенча узачак: Академик Королев ур., 47 (бал залы), дип хәбәр итә ТР Хезмәт, мәшгульлек һәм социаль яклау министрлыгы матбугат хезмәте.

Шулай ук укыгыз

Барлык яңалыклар