Казанда күчемсез милек объектларына инвентаризация үткәрелә

Бу теркәлү хокуклары булмаган объектларны салым әйләнешенә кертү һәм салым түләүчеләрнең бердәм дәүләт реестрындагы мәгълүматларны гамәлдәге законнарга туры китерү өчен кирәк.

(Казан шәһәре KZN.RU, 19-нчы июнь). Казанда җир участокларына һәм капиталь төзелеш объектларына инвентаризация үткәрелә. Бу теркәлү хокуклары булмаган объектларны салым әйләнешенә кертү һәм салым түләүчеләрнең бердәм дәүләт реестрындагы мәгълүматларны гамәлдәге законнарга туры китерү өчен кирәк. ТР Җир һәм мөлкәт мөнәсәбәтләре министрлыгы тарафыннан Казан Башкарма комитетына җибәрелгән исемлектә 65435 җир участогы һәм 38016 капиталь төзелеш объекты бар.

Чараның беренче этабында «Дәүләт кадастр бәяләве үзәге» дәүләт бюджет учреждениесе белгечләре чикләрнең характерлы нокталары (координатлары) турында мәгълүматлар булмаган объектларны, төгәл адресны һәм салым түләүчеләрнең бердәм дәүләт реестрындагы хокуклары турындагы мәгълүматны ачыклый. Шуннан соң шәһәр хакимияте хезмәткәрләре проблемалы күчемсез милек объектларын йөреп чыга, ул милекчеләрдән өстәмә мәгълүмат һәм документлар җыюны үз эченә ала.

Эш нәтиҗәләре буенча ачыкланган хокуклар белән җир участоклары (хокукка ия булучылар тарафыннан хокук дәүләт теркәве турында таныклыклар, хокук билгели торган документлар, шул исәптән җир участокларына дәүләт актлары, хосусыйлаштыру яки хуҗалык китапларында язу турындагы шартнамәләр) һәм хокукка ия булучыларның хокуклары булуын раслаучы документлар тапшырылмаган җир участоклары урнаштырылачак.

Казан Башкарма комитеты шәһәр халкыннан күчемсез милек объектларын инвентаризацияләүдә ярдәм итүләрен һәм җирле үзидарә органнары хезмәткәрләре үтенече буенча күчемсез милек объектларына кирәкле хокук билгели торган документларны күрсәтүләрен сорый.

Караклык очраклары булмасын өчен аеруча игътибарлы булырга һәм шәхесне раслаучы документны (таныклыкны) күрсәтүне сорарга киңәш ителә. Тикшерү хезмәткәренең эш урынын раслау максатында тиешле район администрациясенә мөрәҗәгать итәргә кирәк, дип хәбәр иттеләр Җир һәм мөлкәт мөнәсәбәтләре комитетында.

Белешмәләр өчен телефон:

Совет районы администрациясе, төзекләндерү һәм торак массивлар белән эшләү бүлеге, т. 272-02-45;

Вахитов һәм Идел буе районнары администрациясе, торак комплекслар белән эшләү бүлеге, т. 277-82-10;

Авиатөзелеш һәм Яңа Савин районнары администрациясе, торак массивлар белән эшләү бүлеге, т. 245-01-86, 245-01-19;

Киров һәм Мәскәү районнары администрациясе, торак массивлар белән эшләү бүлеге, т. 557-76-57.

Шулай ук укыгыз

Барлык яңалыклар