Казанда Татарстан Республикасының сәнәгать һәм башка махсус билгеләнештәге җирләренә кадастр бәясе үткәреләчәк

Дәүләт кадастр бәясен үткәрүгә әзерлек киләсе елның 1-нче гыйнварына кадәр башкарылачак.

(Казан шәһәре KZN.RU, 5-нче август). 2020 елда Татарстан һәм аның башкаласы территориясендә сәнәгать һәм башка махсус билгеләнештәге җирләргә дәүләт кадастр бәясе үткәреләчәк.

Дәүләт кадастр бәясен үткәрүгә әзерлек киләсе елның 1-нче гыйнварына кадәр башкарылачак.

Кадастр бәясен билгеләү өчен кирәк булган мәгълүматны җыю һәм эшкәртү максатыннан әзерлек этабы кысаларында Дәүләт кадастр бәяләве үзәге тиешле милек объектларының хокук биләүчеләре күчемсез милек объектларының характеристикалары турында декларацияләр кабул итә.

Күчемсез милек объектлары хуҗалары «Дәүләт кадастр бәяләве үзәге» дәүләт бюджет учреждениесенә күчемсез милек объектларының характеристикалары, шул исәптән бәяләү объектларының төп, күләм һәм сыйфат характеристикаларын ачыклау буенча декларацияләр тапшырырга хокуклы.

Күчемсез милек объектлары характеристикалары турында декларацияләр кабул итү «Дәүләт кадастр бәяләве үзәге» дәүләт бюджет учреждениесе тарафыннан Париж Коммунасы ур., 8 адресы буенча (бина почмагыннан керү, «БТИ» акционерлык җәмгыяте документларын кабул итү зонасы), «Татарстан Республикасында дәүләт һәм муниципаль хезмәтләр күрсәтүнең күпфункцияле үзәге» дәүләт бюджет учреждениесе филиалларында башкарыла.

Шулай ук декларацияне «Дәүләт кадастр бәяләве үзәге» дәүләт бюджет учреждениесенең Gbu.Cgko@tatar.ru электрон почтасы буенча электрон документ (шәхси имза белән сканерланган документ) формасында тапшырырга мөмкин.

Тулырак мәгълүмат cgko.tatarstan.ru сайтында «Хезмәтләр күрсәтү тәртибе» бүлегендә урнаштырылган.

Шулай ук укыгыз

Барлык яңалыклар