Казанда Казан шәһәре Думасының законлылык, хокук тәртибе һәм җирле үзидарә мәсьәләләре буенча даими комиссия утырышы узды

Депутатлар Казан шәһәр Думасы сессиясенә кертелә торган мәсьәләләр турында фикер алыштылар.

Фото: Денис Гордийко

(Казан шәһәре KZN.RU, 15-нче октябрь, Алена Мирошниченко). Бүген Zoom онлайн-платформасында Казан шәһәр Думасының законлылык, хокук тәртибе һәм җирле үзидарә мәсьәләләре буенча даими комиссия утырышы узды. Утырышта Казан шәһәре Думасы секретаре Альбина Рафикова һәм Башкарма комитетның профильле структур бүлекчәләре җитәкчеләре катнашты. Очрашуда катнашучылар даими комиссия рәисе урынбасарын сайладылар, 2020-2021 елларга эш планын расладылар, Казан муниципаль берәмлеге Уставына үзгәрешләр кертү һәм башка мәсьәләләр буенча фикер алыштылар.

«Казан муниципаль берәмлеге Уставына үзгәрешләр кертү турында» карар проекты белән депутатларны Казан шәһәр Думасы норматив-хокукый идарәсе башлыгы Наил Булатов җентекләп таныштырды.

Моннан тыш, утырышта депутатлар законлылык, хокук тәртибе һәм җирле үзидарә мәсьәләләре буенча даими комиссия рәисе урынбасарын сайладылар. Ул Камил Закиров булды. Казан районнарында участок сайлау комиссияләренең хәлиткеч тавыш хокукына ия яңа әгъзалары кандидатуралары расланды. Комиссия рәисе Алексей Селивановский сүзләренә караганда, кандидатлар кирәкле барлык тикшерүләрне узган һәм эш тәҗрибәсенә ия.

2020-2021 елларда депутатлар киләсе елга бюджет, Башкарма комитетның узган елгы эшчәнлеге турында хисап, Казанның үсеш стратегиясе, Россия Эчке эшләр министрлыгының Казан буенча идарәсе хисабы, Россия Эчке эшләр министрлыгының Казандагы линияле идарәсе хисабы һәм башка мәсьәләләр буенча фикер алышырга ниятли.

Шулай ук укыгыз

Барлык яңалыклар