Казанда мобиль робототехника буенча WorldSkills төбәк ярышлары уза

Яшь профессионаллар шулай ук "Пилотсыз авиация системаларын эксплуатацияләү" компетенциясендә ярышалар.

(Казан шәһәре KZN.RU, 28-нче гыйнвар). Казан мәгълүмати технологияләр һәм элемтә техникумында WorldSkills стандартлары буенча региональ ярышлар уза. Яшь профессионаллар "Мобиль робототехника" һәм "Пилотсыз авиация системаларын эксплуатацияләү" компетенцияләрендә ярышалар.

"Пилотсыз авиация системаларын эксплуатацияләү" компетенциясе яңа системаларның берсе булып тора. Татарстанда быел өлкәннәр өчен беренче тапкыр бу компетенция кысаларында 14-16 яшьлек яшүсмерләр кушылачак. Шулай ук бу чемпионатның яңалыгы булып 12-14 яшьлек яшүсмерләрнең "Мобиль робототехника" компетенциясендә катнашуы тора, дип хәбәр итә ТР Мәгълүматлаштыру һәм элемтә министрлыгы матбугат хезмәте.

Исегезгә төшерәбез, әлеге компетенцияләрдә ярышлар 21-30 гыйнварда уза. Аларда 25 эксперт һәм 34 катнашучы, гомуми белем бирү оешмалары һәм һөнәри белем бирү оешмалары вәкилләре катнашачак. Ярышларда җиңүчеләр Татарстан җыелма командасының киңәйтелгән составына керәчәк һәм республиканы агымдагы елның маенда Казанда узачак милли чемпионатта тәкъдим итәчәк.

Шулай ук укыгыз

Барлык яңалыклар