Казанда шәһәрнең мәктәпкәчә белем бирүнең фирма стилен ясау буенча конкурс уза

Яңа логотипны, шрифтларны һәм төсләрне учреждениеләрне бизәүдә, чараларда һәм хәтта тәрбиячеләрнең униформа дизайнында куллану планлаштырыла.

Фото: Марат Мугинов

(Казан шәһәре KZN.RU, 18-нче ноябрь). Казанлыларны шәһәрнең мәктәпкәчә белем бирүнең фирма стилен эшләүгә конкурста катнашырга чакыралар. Оештыручылар таләбе буенча, брендбук һөнәри юнәлешне, яшьне чагылдырырга һәм Казанга бәйләнгән булырга тиеш.

Конкурс Мәгариф идарәсе тарафыннан 1-нче мартка кадәр уздырыла. Шулай итеп, 25-нче декабрьгә кадәр катнашучыларга конкурс тәкъдимнәрен эшләргә, үз заявкаларын жюри каравына җибәрергә тәкъдим ителә. Алга таба, 24-нче февральгә кадәр белгечләр барлык тәкъдимнәрне дә бәяләячәк, ә 1-нче мартта җиңүче игълан ителәчәк.

Мәгариф идарәсендә хәбәр итүләренчә, фирма стиле буенча тәкъдимнәр барлык мәктәпкәчә белем бирү учреждениеләренә дә юлланачак. Яңа логотипны, шрифтларны һәм төсләрне учреждениеләрне бизәүдә, чараларда һәм хәтта тәрбиячеләрнең униформа дизайнында куллану планлаштырыла.

Анда шәһәрнең мәктәпкәчә мәгариф оешмаларының педагог хезмәткәрләре, профессиональ дизайнерлар, рәссамнар, аспирантлар, сәнгать-эстетик юнәлеш буенча югары уку йортларын тәмамлаучылар катнаша ала. Шәхси һәм коллектив заявкалар да карауга кабул ителә. Эшләрне «Брендбукның дизайн-проекты» тамгасы белән brandbook_ds@mail.ru электрон почтасына җибәрергә кирәк. Конкурсны уздыру тәртибе һәм кирәкле критерийлар турында тулырак мәгълүматны Instagram-аккаунтта белергә мөмкин.

Шулай ук укыгыз

Барлык яңалыклар