Казанда быел беренче тапкыр электр самокаты катнашында юл-транспорт һәлакәте булды

Һәлакәт Ершов урамындагы көйләнми торган җәяүлеләр кичүендә була.

Фото: Денис Гордийко

(Казан шәһәре KZN.RU, 30 нчы март). Казанда быел беренче тапкыр электр самокаты катнашында юл-транспорт һәлакәте теркәлгән.

Россия Эчке эшләр министрлыгының шәһәр буенча ЮХИДИ хәбәр иткәнчә, 29 нчы мартта 16:40 сәгатьтә 62 яшьлек «Киа Рио» автомобиле йөртүчесе Н.Ершов урамындагы 2г номерлы йорт каршында, беренчел мәгълүматлар буенча, көйләнми торган җәяүлеләр кичүендә юл бирмәгән һәм электр самокатында юл аркылы чыгучы 28 яшьлек хатын-кызны бәрдергән. Зыян күрүчене медицина ярдәме күрсәтелгәннән соң хастаханәдән җибәргәннәр.

Узган тәүлектә Казанда 134 юл-транспорт һәлакәте теркәлгән, шуларның берсе зыян күрүче белән – бәрдерү сәбәпле җәяүле төрле дәрәҗәдәге җәрәхәтләр алган. 793 шофер һәм 73 җәяүле юл хәрәкәте кагыйдәләрен бозган өчен административ җаваплылыкка тартылган. Шуларның 88 е – куркынычсызлык каешларын эләктермәгән өчен, 39 ы – җәяүлеләргә хәрәкәттә өстенлек бирмәгән өчен. Тагын 6 автомобильче исерек хәлдә транспорт чарасы белән идарә иткән өчен тоткарланган.

Исегезгә төшерәбез, Россиядә 1 нче марттан юл хәрәкәте кагыйдәләрендә үзгәрешләр гамәлгә керде, алар нигезендә электр самокатлары һәм гироскутерлар индивидуаль мобильлек чарасы статусын алды. Аларда хәрәкәт итү тизлеге сәгатенә 25 км артмаска тиеш. Электр самокатында 14 яшьтән өлкәнрәк кешеләр генә йөри ала.

Шулай ук укыгыз

Барлык яңалыклар