Казанда быел балалар катнашында 81 юл-транспорт һәлакәте булган

«Заречье» лагеренда автоинспекторлар «Иминлек лабораториясе» чарасын үткәрделәр

Фото: Денис Гордийко

(Казан шәһәре KZN.RU, 17 нче август). «Заречье» балалар сәламәтләндерү лагеренда «Иминлек лабораториясе» чарасы узды, анда балалар куркынычсыз маршрут сайларга, саклагыч экипировка кулланырга һәм юл хәрәкәте кагыйдәләрен практикада кулланырга өйрәнделәр.

Казан буенча ЮХИДИ бүлегенең матбугат хезмәтендә ачыклаганча, стендлар, өстәл-макет белән җиһазландырылган мәйданчыкта балалар, юлларда куркынычсыз тәртип кагыйдәләренең катлаулы моментларын үзләштереп, укулар узган. Моннан тыш, балалар ике тәгәрмәчле транспортның техник үзлекләрен өйрәнгәннәр һәм велосипедчылар ясаган иң киң таралган хаталарны анализлаганнар.

Казанның соңгы җиде аенда балалар катнашында 81 юл-транспорт һәлакәте теркәлгән, аларда 87 балигъ булмаган бала төрле дәрәҗәдәге җәрәхәтләр алган. 87 җәрәхәтләнгән баланың 49 ы авыр җәрәхәтләр ала (баш мие җәрәхәте, баш мие ябык җәрәхәте, баш мие селкенүе, сыну очраклары), 38 е – тәннең төрле өлешләрендә җәрәхәтләр һәм сыдырылулар.

Шулай ук укыгыз

Барлык яңалыклар