Казанда сәламәтлек ягыннан мөмкинлекләре чикләнгән кешеләр өчен курслар дәвам итә

Махсус курсларда шәһәрлеләрне сувенирлар тегәргә, чүлмәк һөнәренә, гамәли IT-технологияләргә һәм остазлыкка өйрәтәчәкләр.

Фото: Марат Мугинов

(Казан шәһәре KZN.RU, 15-нче сентябрь). «Игелекле эшләр көне» Казан хәйрия фондының остаханәсендә «Мануфактура. Инвалидлыгы булган кешеләр өчен һөнәри үзбилгеләнү территориясе» проектын гамәлгә ашыру дәвам итә. Махсус курсларда шәһәрлеләрне сувенирлар тегәргә, чүлмәк һөнәренә, гамәли IT-технологияләргә һәм остазлыкка өйрәтәчәкләр.

Беренче тапкыр проект узган ел старт алды, анда катнашучылар сувенир продукция җитештерде. Курсларга ихтыяҗ булу, инвалидлыгы булган кешеләргә хезмәт мәшгульлеге, ярдәм һәм эшкә урнаштыруда булышу кирәк икәнен күрсәтә, дип билгеләп үтә Шәһәр мәгариф үзәге директоры Динә Губашева.

Быел сувенирлар тегүдән тыш, өстәмә юнәлешләр дә булачак. Әйтик, халык чүлмәк һөнәренә, гамәли IT-технологияләргә, сувенирлар өчен төргәкләр ясарга өйрәнә алачак. Моннан тыш, барлык теләүчеләр өчен «Остазлык» курсын оештыру планлаштырыла – тыңлаучылар уку белән параллель рәвештә практика узачак һәм инвалидлыгы булган кешеләргә ярдәм итәчәк.

Түләүсез дәресләр атна саен Калинин урамы, 3 адресы буенча «Яхшы куллар» хәйрия склады бинасында уза. Проектка кушылыр өчен сылтама буенча теркәлү узарга кирәк. Мәгълүматны түбәндәге телефон аша шалтыратып белешергә мөмкин: +7(960)039-49-64.

«Мануфактура. Инвалидлыгы булган кешеләр өчен һөнәри үзбилгеләнү территориясе» проекты Шәһәр мәгариф үзәге тарафыннан президент грантлары фонды ярдәмендә гамәлгә ашырыла, дип хәбәр итә «Игелекле эшләр көне» хәйрия фонды матбугат хезмәте.

Шулай ук укыгыз

Барлык яңалыклар