Казанда муниципаль паркингны үстерү туктатылды

Бу хакта карар Мэр җитәкчелегендәге кризиска каршы шәһәр штабы утырышында кабул ителде.

Фото: Денис Гордийко

(Казан шәһәре KZN.RU, 17 нче март, Дмитрий Никитин). Казанда кризиска каршы чара буларак шәһәрнең урам-юл челтәре буенда яңа муниципаль парковка зоналары булдыру туктатылды. Мондый карар Казан Мэры Илсур Метшин җитәкчелегендә узган шәһәр штабы утырышында кабул ителде.

Бүгенге көндә шәһәрнең урам-юл челтәре буендагы муниципаль парковкаларда 6011 урын оештырылган. Кече һәм урта бизнеска ярдәм итү максатыннан быелдан парковкаларның эш графигы үзгәрде – 10 нчы гыйнвардан алар якшәмбе һәм бәйрәм көннәрендә генә түгел, шимбә көннәрендә дә бушлай. Парковка киңлеген киңәйтүне туктатып тору турында карар халык өчен өстәмә финанс йөкләнешен булдырмас өчен кабул ителде.

Элегрәк Казан Мэры Илсур Метшин йөкләмәсе буенча Казанда эшмәкәрләргә карата тикшерүләр үткәрүгә мораторий кертелде. Моннан тыш, «Нәфис Косметикс» акционерлык җәмгыятенең Казан химия комбинатында штабның күчмә утырышы узды. Кичә шәһәр башлыгы предприятие складларында продукция запасларының күләмен бәяләү һәм аның мәктәп укучыларын һәм балалар бакчаларында тәрбияләнүчеләрне туклану белән тәэмин итүгә әзерлеген тикшерү өчен Казанның Азык-төлек һәм социаль туклану департаментында булды.

Муниципаль паркингларның эш графигы

Түләү эш көннәрендә 8:00 дән 19:00 гә кадәр алына.
Шимбә, якшәмбе һәм бәйрәм көннәрендә муниципаль парковкалар түләүсез эшлиләр.

Беренче 15 минут парковка бушлай.

Шулай ук укыгыз

Барлык яңалыклар