Казанда илкүләм проект кысаларында Беломорск урамы буенча юлны ремонтлый башладылар

Эшләр 1,190 км озынлыктагы участокта алып барыла.

Фото: Казан шәһәре KZN.RU

(Казан шәһәре KZN.RU, 26-нчы май). Казанның Мәскәү районында Беломорск урамы буенча юлны ремонтлау башланды. Эшләр Химия урамыннан Гудованцев урамындагы 1,190 км озынлыктагы участокта «Куркынычсыз сыйфатлы юллар» илкүләм проекты буенча алып барыла.

Участокта инде ут челтәре баганаларын күчерделәр. Иске өслекне фрезерлау һәм асфальтобетон катламын тигезләү, демонтаж һәм борт ташлары кую, тротуарларны ремонтлау эшләренең бер өлеше башкарылган. Барлыгы 4930 метр борт ташы алмаштырылачак һәм гомуми мәйданы 3300 кв.м булган тротуарлар ремонтланачак.

Аннан соң юл эшчеләре югары ныклыклы вак таш-мастик асфальтобетон ЩМА-16дан өске катламын җәюгә керешәчәкләр. Аны 2020 елдан башлап Европа стандартлары нигезендә яңа ГОСТ нигезендә ясыйлар. Яңа технология узган елдан бирле хәрәкәтнең зур интенсивлыгы булган юлларда кулланыла башлады.

Моннан тыш, юл хәрәкәте куркынычсызлыгын тәэмин итү чаралары планлаштырылган. Аерым алганда, 66 юл билгесе, 378 метр җәяүлеләр өчен киртә, өч тукталыш павильоны куелачак һәм юл тамгасы төшереләчәк.

Юлны ремонтлауны 1-нче августка төгәлләү планлаштырыла, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Казанда «Куркынычсыз сыйфатлы юллар» илкүләм проекты буенча быел 11 урам: Рауис Гәрәев, Старательный тыкрыгы, Хезмэт, Белинский, Беломорск, Гагарин, Гладилов, Голубятников, Лесной, Совет районында Магистраль һәм Маршал Чуйков участокларын ремонтлаячаклар. Моңа 640 млн сум акча бүленгән. Агымдагы елга юлларны ремонтлау программасына шулай ук «Безнең ишегалды» президент программасы буенча төзекләндерелә торган социаль объектлар һәм ишегалды территорияләренә 78 квартал эчендәге юллар кертелгән.

Барлыгы Казанда магистральләрне төзү һәм проектлауга 2021 елда 6,5 млрд сум бүлеп бирелгән.

Шулай ук укыгыз

Барлык яңалыклар