Казанда муниципаль унитар предприятиеләр санын киметергә планлаштырыла

2017 елда Җир һәм милек мөнәсәбәтләре комитеты муниципаль казнага 302 хуҗасыз объект кабул иткән.

(Казан шәһәре KZN.RU, 30-нчы гыйнвар, Михаил Ченцов). Беренче ярты еллык эчендә Казанда муниципаль унитар предприятиеләр саны 14-кә калачак. “2003 елда бездә 100-гә якын МУП бар иде, ә чынлап эшли торган 14 предприятие калачак”, - дип ассызыклап үтте Җир һәм милек мөнәсәбәтләре комитеты рәисе Ренат Галәветдинов ел саен үткәрелә торган хисап бирү вакытында. 2018 ел башына Казанда 17 МУП санала. 2017 елда МУПлар Казан бюджетына 21,1 млн сум күчергән.

Шәһәрнең хуҗалык әйләнешенә 2017 елда “Мәскәү районы торак-коммуналь идарәсе” муниципаль унитар предприятиесенең 154,8 млн сумлык гомуми мәйданы 6,5 мең кв.м тәшкил иткән 45 күчемсез милек объекты кертелгән (биналар, бүлмәлә, корылмалар), инженерлык инфраструктурасының 567,5 млн сумлык 40 объекты (су белән тәэмин итү, яңгыр канализациясе, дамбалар челтәре), күчемле милекнең 686,4 млн сумлык 671 берәмлеге, 302 хуҗасыз объект (канализаци һәм суүткәрү челтәре) кертелгән.

“2018 елга планда – районнарның элеккеге торак-коммуналь идарәләренең инвентаризациясен тулысы белән ябарга һәм аларның барлык милкен казнага алырга”, - дип тәмамлады Р.Галәветдинов.

Фоторепортаж

Җир, милек һәм финанс блогыны отчеты, 30.01.2018

Шулай ук укыгыз

Барлык яңалыклар