В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Урыны белән секундына 25 метрга кадәр тизлектә җил фаразлана.
Фото: Денис Гордийко
(Казан шәһәре KZN.RU, 3-нче август). Татарстанда һәм аның башкаласында шторм кисәтүе игълан ителде – 4-нче августта яңгыр, яшен, боз һәм көчле җил көтелә.
Метеорологлар мәгълүматларына караганда, иртәгә Казанда аязучан болытлы һава булачак. Урыны белән көчле яңгырлар явачак. Аерым районнарда яшенле яңгыр һәм боз явуы ихтимал. Синоптиклар көньяк-көнбатыштан төньяк-көнбатышка күчүче җил фаразлый, урыны белән көчәйгәндә 17-22 метрга кадәр, урыны белән секундына 25 метрга кадәр. Көндез һаваның максималь температурасы +25...+27 градус тәшкил итәчәк. Төнлә 19-21 градуска кадәр җылы булачак.
Гомумән алганда, Татарстанда урыны белән көчле җил, яңгыр, локаль рәвештә яшенле яңгырлар һәм боз булуы көтелә. Төнлә һава температурасы +16...+21 градус булачак. Көндез 25-30 градус җылы булыр дип көтелә, республиканың көнчыгышында – +37 градуска кадәр, дип хәбәр ителә ТР Гидрометеорология һәм әйләнә-тирә мохитне күзәтү идарәсе сайтында.