Казанда сөт ризыклары белән тәэмин итү өчен дүрт пункт төзекләндереләчәк

Алар өч меңгә якын балага хезмәт күрсәтә

Быел Татарстан Республикасы рәисе йөкләмәсе буенча шәһәрнең сөт ризыклары белән тәэмин итү дүрт пунктында капиталь ремонт ясала.

Эшләр Фучик урамындагы 72 нче йорттагы «10 нчы балалар шәһәр поликлиникасы» ДАССУдә тәмамланган инде. Ремонт мәйданы 268 кв.м булган пунктта 1126 бала туклану ала.

Шулай ук 527,8 кв.м мәйданлы Гагарин урамындагы 89 йортта урнашкан «1 нче шәһәр балалар хастаханәсе» ДАССУдә сөт ризыкларын бирү пунктында капиталь ремонт ясалган. Анда 1032 бала сөт ризыгы ала.

Бүгенге көндә Авангард урамындагы 89 йортта урнашкан «11 нче балалар шәһәр поликлиникасы» ДАССУдә сөт ризыклары белән тәэмин итү пунктын төзекләндерү төгәлләнеп килә, анда 300дән артык бала беркетелгән.

Тагын 415 балага Курчатов урамындагы 10 йорттагы «6 нчы шәһәр балалар поликлиникасы» ДАССУсендә сөт ризыкларын бирү пункты хезмәт күрсәтә. Анда да яңарту эшләре тәмамланып килә.

Казанда барлыгы 21 сөт ризыгы белән тәэмин итү пункты эшли.

Шулай ук укыгыз

Барлык яңалыклар