Казанда гриппка һәм COVID-19га каршы ике яңа вакцинация пункты ачыла

«Мега» сәүдә үзәгендә пункт тәүлек буе эш режимына күчә, ә «Южный» сәүдә үзәгендә урнашканы күрше бинага күчә.

Фото: Марат Мугинов

(Казан шәһәре KZN.RU, 14-нче октябрь). Казанда «Мега» сәүдә-күңел ачу үзәге каршындагы вакцинация пункты (Җиңү Проспекты, 141) яңа эш режимына күчә. Хәзер анда коронавирустан прививканы тәүлек буе ясатырга мөмкин булачак. Моннан тыш, иртәгә, 15-нче октябрьдә, теләге булган һәркем өчен аерым керү юлы белән ике мобиль вакцинация пункты ачылачак һәм элек «Южный» сәүдә-күңел ачу үзәгендә эшләгәне күрше бинага күчәчәк.

«Мега» сәүдә үзәге каршындагы какцинация IKEA җәйге кафесында – сәүдә үзәгенә төп керү юлы белән янәшә пыяла бинада уза. Чөнки бу сәүдә үзәгеннән аерымланган бина, QR-код таләп ителми, бары тик мәҗбүри медицина иминияте полисы һәм СНИЛС гына кирәк. Хәзер прививканы көн саен 8:00 сәгатьтән 8:30 сә кадәр һәм 20:00 сәгатьтән 20:30 сәгатькә кадәр техник тәнәфесләр белән ясатырга мөмкин.

Моннан тыш, иртәгә «Южный» сәүдә үзәгенең (Җиңү Проспекты, 91) пункты күрше бинага – «Мегастрой» гипермаркетына (Җиңү проспекты, 101) күчәчәк. Биредә аерым керү юлы булдырылачак, шуңа күрә QR-кодларны күрсәтү кирәк булмаячак. Кабул итү көн саен 10:00 сәгатьтән 20:00 сәгатькә кадәр гадәти чират тәртибендә алып барыла.

Иртәгә «Мегастрой» гипермаркетында (2 нче Азино урамы, 7б) һәм Kazan Mall сәүдә үзәгендә (Павлюхин урамы, 91) вакцинацияләүнең яңа мобиль пунктлары ачылачак. Алар барлык теләүчеләрне көн саен 10:00 сәгатьтән 20:00 сәгатькә кадәр аерым керү юллары аша кабул итәчәкләр, дип хәбәр иттеләр ТР Сәламәтлек саклау министрлыгында.

«Парк Хаус» сәүдә үзәгендәге (Ямашев проспекты, 46) вакцинация пункты коронавирус инфекциясе таралуны кисәтүгә юнәлдерелгән яңа чикләү чаралары белән бәйле чикләнгән режимда эшли. Сәүдә-күңел ачу үзәкләренә керү бары тик коронавируска каршы вакцинация узуны яки соңгы алты ай эчендә авырганын раслый торган сертификатның барлыгын билгели торган QR-кодлар белән генә гамәлгә ашырыла, монда бары тик кабат вакцинация узарга гына мөмкин.

Исегезгә төшерәбез, элегрәк Казанда Камалиев Проспекты, 26/12 адресы буенча «Саклык Банкы» офисында яңа вакцинация пункты ачылды. Ул 9:00 сәгатьтән 17:00 сәгаткә кадәр кабул итә. Казанлылар элеккечә үк Пушкин урамы, 4 адресы буенча урнашкан банк офисында 9:00 сәгатьтән 18: 00 сәгатькә кадәр, «Сәйдәш» мәдәният үзәгендә (Ершов урамы, 57а) дүшәмбедән җомгага кадәр 9:00 сәгатьтән 17:00 сәгатькә кадәр, «Мәскәү» мәдәни үзәгендә (Академик Королев урамы, 47) дүшәмбедән шимбәгә кадәр 10:00 сәгатьтән 19:00 сәгатькә кадәр, В.И.Ленин исемендәге мәдәни-ял итү комплексында (Копылов урамы, 2а) дүшәмбедән җомгага кадәр 13:00 сәгатьтән 19:00 сәгатькә кадәр прививка ясата ала.

Шулай ук укыгыз

Барлык яңалыклар