Яңалыклар

24.03.2018, 14:27

Казанда өстәл теннисы буенча хәйрия турниры җиңүчеләре билгеләнде

25-тән артык команда катнашындагы турнир Бокс һәм өстәл теннисы үзәгендә үтте.

(Казан шәһәре KZN.RU, 24-нче март). Бүген Казанда Бокс һәм өстәл теннисы үзәгендә үткән өстәл теннисы буенча хәйрия турниры җиңүчеләре билгеләнде.

Хатын-кызлар арасында беренче урынны Елизавета Самсутина (РОСПРОФПРОМ-ГИПО) яулады, икенче урынны – Гөлнара Мөбәрәкшина (Спорт һәм социаль проектлар дирекциясе), өченче урынны – Марина Белоглазова (“КПКБ” АҖ).

Ир-атлар арасында урыннар түбәндәгечә бүленде: беренче урын – Виталий Будзинский (“Градстрой” ҖЧҖ), икенче урын – Антон Елагин (РОСПРОФПРОМ-ГИПО), өченче урын – Илнар Якупов (ОППО “Газпром Трансгаз Казань профсоюз”).

Команда зачетында беренче урында “Кабаре” ҖЧҖ тора, икенче урын – “Градстрой” ҖЧҖ, өченче урын – РОСПРОФПРОМ-ГИПО.

Искәртергә кирәк, Совет районы администрациясе һәм “Альпари” хәйрия фонды тарафыннан оештырылган спорт чарасы ярдәмендә церебраль паралич белән авырган балалар өчен 4 махсус велосипед алырлык акча җыелды.

Фоторепортаж

Өстәл теннисы буенча хәйрия турниры, 24.03.2018

Шулай ук укыгыз

Барлык яңалыклар