Казанда спектакльләр һәм кинематографны берләштерәчәкләр

"Кино+Театр" проекты "Дело дьяка Висковатого" спектакленнән башлана.

(Казан шәһәре KZN.RU, 20-нче март). Казанда "Кино+Театр" масштаблы проекты старт ала. Сәнгатьнең ике төрен тоташтыручы чаралар чиратын "Мир" кинотеатры сәхнәсендә узачак "Дело дьяка Висковатого" спектакле ача. Спектакльнең гамәлләре зур киноэкранда тематик видерәт белән тыгыз үрелеп барачак.

"Дело дьяка Висковатого" спектакле Россия тарихының фаҗигале фигураларының берсе - Иван Висковат, Россия дипломатия хезмәтенең беренче башлыгы турында сөйли. Спектакль "Угол" иҗат лабораториясе тарафыннан гамәлгә ашырылды. Спектакльдә яктылык һәм тавыш җиһазлары җәлеп ителгән, махсус рәвештә партитура язылган, ә театр декорацияләрен зур экран алыштырачак.

"Кино+Театр" проекты ел буена исәпләнгән, чараларны ай саен үткәрү планлаштырыла. Проектның өстенлекле юнәлешләре - зур экран ярдәмендә оригиналь куелышлар, мәдәният һәм сәнгать эшлеклеләре, аерым алганда, театр актерлары, режиссерлары белән иҗади очрашулар оештыру, дип хәбәр итә "Татаркино" ТР ДБУК матбугат хезмәте.

Шулай ук укыгыз

Барлык яңалыклар