Казанда «Хезмәт резервлары» һәм «Ракета» стадионнарындагы шугалакларны боз белән каплый башладылар

Чаңгы-биатлон комплексы урнашкан Мирный поселогында кар барлыкка китерү системасы эшли башлады

Фото: Денис Гордийко

(Казан шәһәре KZN.RU, 20 нче ноябрь). Казанда «Хезмәт резервлары» һәм «Ракета» стадионнарында шугалаклар ясау буенча эшләр башланды. Ә чаңгы-биатлон комплексы урнашкан Мирный поселогында кар барлыкка китерү системасы эшли башлады.

«Хезмәт резервлары» стадионындагы ачык шугалакның гомуми күләме 105 х 65 метр тәшкил итәчәк. Биредә спортчы-фигуристларның массакүләм шуулары һәм күнегүләре узачак. Объектта суыткыч компрессор станциясе эшли. Әзерлек эшләрен бу атнада тәмамларга планлаштыралар.

Шул ук вакытта Дәрвишләр поселогындагы «Ракета» стадионында футбол кырын табигый туңдыру өчен су белән тутыра башладылар. Уңай һава торышы булганда, боз декабрь башына әзер булачак. Ә киләсе елда объектта суыткыч станциясе эшли башлаячак, хәзерге вакытта капиталь ремонт бара.

Мирный поселогында ясалма кар ясау юлы белән 3 км трасса кар белән капланачак. Өч кар генераторын һәм бер пушканы тоташтыру өчен 63 электрон щит эшли. Кар системасы алдан сыналган. Ул һава температурасы -4 градус һәм аннан түбәнрәк, су +2 градуска кадәр суык булганда эшли ала. Белгечләр тәүлек әйләнәсе кизү тора.

Шулай ук укыгыз

Барлык яңалыклар