Казанда юл-транспорт һәлакәтләре санының кимүе күзәтелә

Казанда юл-транспорт һәлакәтләре санының кимүе күзәтелә

<p> <img width="870" src="https://www.kzn.ru/upload/iblock/e8a/DEN_8949.jpg" height="653"><br> </p> <p> <span style="color: #3d3d3d;">(Казан шәһәре KZN.RU, 28-нче июль, Алинә Бережная). Казанда агымдагы елның 6 аенда 712 юл-транспорт һәлакәте теркәлгән, бу 2019 елның шушы чорына караганда 10,4%-ка кимрәк. Зыян күрүчеләр саны 14,2%-ка кимегән - 2020 елда 810, 2019 елда 944. Күрсәтелгән вакыт аралыгында шәһәр юлларында барлыгы 20 кеше һәлак булган, шуларның 3-есе - җәмәгать транспорты катнашында барлыкка килгән юл-транспорт һәлакәтендә. Бүген юл хәрәкәте иминлеге комиссиясе утырышында Казан ЮХИДИ башлыгы Игорь Новиков шундый мәгълүмат җиткерде. Киңәшмәне Казан Башкарма комитеты җитәкчесе урынбасары Илдар Шакиров үткәрде.</span> </p> <p> <span style="color: #3d3d3d;">Юллардагы һәлакәтләрнең 90%-ы машина йөртүчеләрнең юл хәрәкәте кагыйдәләрен тупас бозулары белән бәйле. Быелның 6 аенда гына да ЮХИДИ хезмәткәрләре автоһәвәскәрләргә карата 176 меңнән артык, җәяүлеләргә 26 меңгә якын административ материал төзегәннәр.</span> </p> <p> <span style="color: #3d3d3d;">Пассажир транспорты катнашындагы юл-транспорт һәлакәте турында сөйләгәндә, спикер билгеләп үткәнчә, әлеге төр һәлакәтләр саны 27,3%-ка - 93-кә кадәр кимегән.</span> </p> <p> <span style="color: #3d3d3d;">«Шуңа бәйле рәвештә видеотеркәгечләрне төзек хәлдә тоту кирәклеге турында тагын бер кат искә төшерәсем килә. Алардан алынган язмалар машина йөртүченең хезмәт дисциплинасын бозуына һәм авария куркынычы тудыруны булдырмауга вакытында җавап бирү максаты белән каралырга тиеш», - дип мөрәҗәгать итте ташучыларга И.Новиков.</span> </p> <p> <span style="color: #3d3d3d;">Үз чиратында, Казан Башкарма комитеты җитәкчесе урынбасары Илдар Шакиров җәмәгать транспорты йөртүчеләренә транспортта үтәлергә тиешле санитар-эпидемиологик чаралар турында искәртте. Ул ассызыклаганча, коронавирус җиңелмәгән, һәм транспорт салонында пассажирларның битлек һәм перчаткалар киеп йөрүе мәҗбүри. «Бу мәсьәләне һәрвакыт контрольдә тотарга кирәк», - диде И.Шакиров.</span> </p> <p> <span style="color: #3d3d3d;">Агымдагы елда урам-юл челтәрен төзекләндерү эшләре барышы турында Тышкы төзекләндерү комитеты рәисе урынбасары Марсель Фәрзеев сөйләде. Ул искә төшергәнчә, Казанда «Имин һәм сыйфатлы автомобиль юллары» илкүләм проекты гамәлгә ашырыла, ул төп магистральләрне норматив хәлгә китерүгә һәм аларда һәлакәтләрне киметүгә юнәлдерелгән. Быел проект Патрис Лумумба, Тэцевская, Болотников, Фрунзе, Зорге, Гвардия, 2 нче Иске Аракчино урамнарын колачлый. Ремонтлана торган урамнарның гомуми озынлыгы 30 чакрым тәшкил итә.</span> </p> <p> <span style="color: #3d3d3d;">Юл-транспорт һәлакәтләре аеруча күп булган участокларга юлларны ремонтлаганда зур игътибар бирелә. 2017 елдан шәһәрдә юлларның 339 аеруча куркыныч участогын бетерү буенча чаралар комплексы башкарылган. «Шәһәрдә 60 чакрымнан артык озаграк файдалану сроклары булган куркынычсызлык киртәләре, флуоресцент өслекле 7 меңнән артык юл билгесе урнаштырылган, шул исәптән юлның машина йөрү өлеше өстеннән Г-рәвешле баганаларда, 63 яңартылган светофор объектында», - дип сөйләде М.Фәрзеев. Быел юлларның куркыныч участокларында 885 юл билгесе, 375 туры һәм Г-рәвешле багана һәм 4 светофор объекты урнаштырылачак. Эшләр күләме 60%-ка үтәлгән.</span> </p> <p> <span style="color: #3d3d3d;">Шәһәрдә юл хәрәкәте иминлеген тәэмин итүче элементларның берсе - юл билгеләре. «Хәзерге вакытта юл билгеләре планлаштырылган 324,2 мең кв.м мәйданда тулысынча билгеләнгән. Эшләр төп магистраль урамнарда термопластика кулланып һәм транспорт хәрәкәтенең интенсивлыгы бик аз булган урамнарда буяулар файдаланып башкарыла», - дип сөйләде М.Фәрзеев.</span> </p> <p> <span style="color: #3d3d3d;">Комиссиядә шулай ук балалар юл-транспорт травматизмын профилактикалау чаралары турында фикер алыштылар. Мәгариф идарәсе башлыгы урынбасары Эльмира Тахавиева урамда һәм юл йөрү өлешендә имин тәртип тәрбияләүнең гомуми белем бирү учреждениеләренең комплекслы программаларына керүе турында сөйләде. Һәм юл хәрәкәте кагыйдәләренә өйрәтүдә беренче баскыч - балалар бакчасы. Бүген мәктәпкәчә белем бирү учреждениеләренең 70%-ы балаларга юл ситуацияләрен күрсәтергә мөмкин булган тамгалы һәм күчмә җайланмалы мәйданчыклар белән тәэмин ителгән. Моннан тыш, барлык мәгариф учреждениеләрендә юл-транспорт һәлакәтләрен кисәтү буенча почмаклар бар, юл хәрәкәте кагыйдәләрен өйрәнү өчен компьютер программалары урнаштырылган. «Хәзерге вакытта барлык балалар бакчалары «Юл йөрү кагыйдәләре пропагандасы» мәгълүмат системасы - юлларда куркынычсызлыкны өйрәнү буенча дидактик һәм методик материал белән тәэмин итүче ресурс белән эшли, - дип билгеләп үтте Э.Тахавиева.</span> </p> <p> <span style="color: #3d3d3d;">Мәктәп укучылары белән эшләүгә килгәндә, узган уку елында 4-11 сыйныфларда якынча 70 мең бала беренче тапкыр юл йөрү кагыйдәләрен белү буенча тест үткәрүдә катнашты. Ул балаларда юл хәрәкәтендә имин катнашу күнекмәләрен формалаштыру буенча мәгълүмати-пропаганда программасының бер өлешенә әверелде, дип ассызыклады спикер. Балаларның 80%-ы сынауны уңышлы үтте. Шулай ук узган елның декабрендә Казан балалары яңа ел бүләкләрендә ут кайтаручы элементлар алды.</span> </p> <p> <span style="color: #3d3d3d;">Илдар Шакиров билгеләп үткәнчә, балалар юл-транспорт имгәнүен булдырмау ЮХИДИ хезмәткәрләре һәм уку йортлары коллективларының уртак эше булып тора, шуңа күрә ел дәвамында балалар юлларда хәвефсез тәртип кагыйдәләре турында күбрәк белергә тиеш. «Бу эш системалы һәм көйле булырга тиеш, - диде И.Шакиров. - Яктылыкны кире кайтаручы элементлар куллану идеясе яхшы, әмма балаларның аларны алулары гына түгел, тагып йөртүләре дә мөһим. Бу бүгенге көндә юлларда саклануның нәтиҗәле ысулы». Илдар Шакиров шулай ук августта сертификацияләнгән мәктәп автобусларына комиссия тикшерүе уздырырга кушты.</span> </p>

2020-07-28T17:12:18+0300