Казанда узган атнада балаларга кушылган иң сирәк исемнәр Рада, Юстина, Элан, Таисия, Рамин һәм Доминик булды

27-нче гыйнвардан 2-нче февральгә кадәр шәһәр Гражданлык хәле актларын теркәү бүлекләрендә 402 бала тууы теркәлде.

(Казан шәһәре KZN.RU, 7-нче февраль). Узган атнада, 27-нче гыйнвардан 2-нче февральгә кадәр, Казан шәһәре Гражданлык хәле актларын теркәү бүлекләрендә 402 бала тууы теркәлде: 211 малай һәм 191 кыз.

Иң яшь әнигә 18 яшь булса, иң яшь әтигә – 19. Иң өлкән әнинең яше – 42, иң өлкән әтинең яше - 65. Бала туганда минималь авырлыгы 600 грамм, ә максималь авырлыгы – 5200 грамм.

Бу атнада балалар исемнәре арасында иң популярлары түбәндәгеләр булды: Әминә, Ясминә, Әмир, Адилә, Тимур, Артем, Егор, Ева, Валерия, Ислам һәм Анастасия. Ата-аналар үз сабыйларын атаган иң сирәк исемнәр: Рада, Юстина, Элан, Фидель, Инесса, Иная, Корней, Таисия, Рамин, Лера һәм Доминик.

Шул ук вакыт эчендә шәһәрнең Гражданлык хәле актларын теркәү бүлекләрендә 126 пар үз никахларын теркәде, дип хәбәр итә Казанның Гражданлык хәле актларын теркәү идарәсе.

Шулай ук укыгыз

Барлык яңалыклар