Казанда бер көнгә берничә урам буенча хәрәкәт чикләнәчәк

Бу «ЗаБег.РФ» бөтенроссия ярыммарафонын уздыру белән бәйле

Фото: Марат Мөгыйнов

(Казан шәһәре KZN.RU, 30 нчы май). Татарстан башкаласында 4 нче июньдә «ЗаБег.РФ» бөтенроссия ярыммарафоны узачак. Тиешле карар Казан шәһәре муниципаль берәмлегенең Документлар һәм хокукый актлар җыентыгында басылып чыкты.

Транспорт хәрәкәте өчен түбәндәге участоклар ябылачак:

08:00 сәгатьтән 12:00 сәгатькә кадәр – С.Хәким урамы буенча, Декабристлар урамыннан Ф.Әмирхан урамына кадәр (ике юнәлештә);

08:00 сәгатьтән 13:00 сәгатькә кадәр – С.Хәким урамы буенча, Ф.Әмирхан урамыннан Чистай урамы белән киселешкә кадәр (ике юнәлештә, А.Козин һәм Нигъмәтуллин урамнары ягыннан үтәли үтү мөмкинлеге белән);

08:00 сәгатьтән 13:00 сәгатькә кадәр – Чистай урамы буенча С.Хәким урамыннан Чистай урамындагы съездга кадәр (хәрәкәтнең өч уң полосасын ябу);

8:00 сәгатьтән 13:00 сәгатькә кадәр – Чистай урамы буенча, «Ак Барс Арена» стадионы янындагы әйләнмәле хәрәкәт съездына кадәр (хәрәкәтнең өч уң полосасын ябу);

8:00 сәгатьтән 13:00 сәгатькә кадәр – «Ак Барс Арена» стадионы янындагы эчке юл буенча (хәрәкәт тулысынча чикләнә).

Исегезгә төшерәбез, «ЗаБег.РФ»га гаризаларны сылтама буенча кабул итәләр. Йөгерүчеләрне 1 (теркәлү ябык), 5, 10 һәм 21,1 км дистанцияләр көтә. 3 яшьтән 10 яшькә кадәрге балалар өчен 300 һәм 600 м махсус маршрутлар әзерләнгән.

Спорт чарасы Россиядә спортны популярлаштыруга юнәлдерелгән һәм илнең йөгерү башкаласын билгеләргә тиеш. Элегрәк бу статусны Казан инде ике тапкыр – 2017 һәм 2018 елларда яулаган иде. Җиңүче шәһәр барлык катнашучыларның уртача километры, аларның җирле халыкка карата процент нисбәте һәм йөгерүчеләрнең уртача тизлеге ярдәмендә билгеләнә.

Шулай ук укыгыз

Барлык яңалыклар