Казанда 31 декабрьдә һәм 1 гыйнварда вакцинациянең мобиль пунктлары эшләмәячәк

Поликлиникаларда вакцинация учреждениеләрнең эш режимы буенча үткәреләчәк.

Яңа ел бәйрәмнәрендә өлкән яшьтәге халыкны коронавирус һәм гриппка каршы вакцинацияләү учреждениеләрнең эш режимы буенча поликлиникаларда үткәреләчәк. 31-нче декабрьдә һәм 1-нче гыйнварда вакцинациянең мобиль пунктлары ябык булачак, ә 2-нче гыйнвардан 9-нчы гыйнварга кадәр аларның эше билгеләнгән режим буенча оештырылачак. Казанда вакцинациянең 42 мобиль пункты эшли.

31-нче декабрьдән 9-нчы гыйнварга кадәр шәһәрнең стационарлары, бала тудыру йортлары һәм гинекология стационарлары тәүлек буе эшләячәк, ә пациентларны хастаханәгә салу, авыруның профиленә карап, территориаль принцип буенча башкарылачак.

Өлкәннәр һәм балалар челтәре поликлиникалары 31-нче декабрьдә, 3-нче, 5-нче һәм 8-нче гыйнварда шимбә графигы буенча эшлиләр, 1-нче, 2-нче, 7-нче һәм 9-нчы гыйнварда – бәйрәм һәм ял көнннәре графиклары буенча (өлкәннәр поликлиникалары 9:00 сәгатьтән 17:00 сәгатькә кадәр, балалар поликлиникалары 9:00 сәгатьтән 16:00 сәгатька кадәр). Бу көннәрдә поликлиникаларда дежур терапевтик бригадалар эшләячәк. 4-нче һәм 6-нчы гыйнварда поликлиникаларда терапевтик һәм педиатрия бригадалары, тар профильле табиб-белгечләр кабул итәчәк, рентгенология кабинетлары, лабораторияләр, кичектергесез ярдәм кабинетлары, травматология пунктлары һәм көндезге эш режимында эшли торган бүлекчәләр эшләячәк.

Тәүлек буе эшли торган травматология пунктлары бәйрәм көннәрендә, яшәү урынына карамастан, беренчел мөрәҗәгатьләр белән пациентларны кабул итәчәк.

Хастаханәләр һәм поликлиника бүлекләре составындагы хатын-кызлар консультацияләре поликлиникалар графигы буенча эшлиләр.

Өлкәннәр һәм балалар өчен стоматология поликлиникалары көн саен 9:00 сәгатьтән 15:00 сәгатькә кадәр эшләячәк. Кичектергесез стоматология ярдәме Чернышевский урамы, 10/6 буенча 31-нче декабрьдән 9-нчы гыйнварга кадәр (2-нче гыйнвардан тыш) 16 сәгатьтән икенче көннең 6:00 сәгатенә кадәр, 2-нче гыйнвар 9:00 сәгатьтән 3-нче гыйнвар 6:00 сәгатькә кадәр Чернышевский урамы, 10/6 адресы буенча күрсәтеләчәк, телефоны: +7(843)291-01-03.

Казанның Сәламәтлек саклау идарәсендә 9:00 сәгатьтән 15:00 сәгатькә кадәр дежур белгечләр эшләячәк, телефоны: +7(843)238-15-44;

Соңыннан, 15.00 сәгатьтән 9.00 сәгатькә кадәр Казан буенча җаваплы кизү торучы – «Ашыгыч медицина ярдәме станциясе» дәүләт автоном сәламәтлек саклау учреждениесенең өлкән табибы эшли, телефоннар: +7(843)236-39-01, +7(843)236-87-44.

Шулай ук укыгыз

Барлык яңалыклар