Казанда 167 кешегә коронавирус диагнозы куелган

COVID-19 га каршы 17 мең 530 татарстанлы вакцина ясаткан.

Фото: Денис Гордийко

(Казан шәһәре KZN.RU 25-нче ноябрь). Татарстанда COVID-19 белән авыруның 251 яңа очрагы теркәлгән, аларның 3-се читтән кергән, калганнары элемтә аша. 93 кеше хастаханәгә салынган, 158 кеше өйдә дәвалана.

Авыручылар арасында – 167 Казан кешесе, 18 кеше – Яр Чаллыдан, 14 кеше – Яшел Үзән районыннан, 8 кеше Буа районында яши, 7 кеше – Түбән Кама районында, 6 кеше - Биектау районында, дүртәр кеше – Саба һәм Тукай районнарында, өчәр кеше – Арча, Лаеш һәм Чирмешән районнарында, икешәр кеше – Югары Ослан һәм Чистай районнарында, берәр кеше – Азнакай, Апас, Алабуга, Лениногорск, Минзәлә, Мөслим, Норлат, Питрәч, Спас һәм Тәтеш районнарында.

25-нче ноябрьгә Татарстанда 36 мең 808 COVID-19 йоктыру очрагы теркәлгән. Пандемиянең бөтен чорында 30 мең 416 кеше савыкты, шул исәптән 300-е – узган тәүлектә. Татарстанда яшәүче 1 млн 978 мең 471 кеше (тәүлек эчендә үсеш – 17 мең 530 кеше) коронавирустан вакцинацияләнгән, шуларның 1 млн 486 мең 548-е икенче прививка алган, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә бер тәүлек эчендә 33 мең 796 яңа авыру очрагы теркәлгән. Барлыгы илдә 9 млн 468 мең 189 кеше авырган, 8 млн 164 мең 826 кеше савыккан.

Шулай ук укыгыз

Барлык яңалыклар