Казанда Крещение бәйрәменә дүрт су коену урыны әзерләнәчәк

Суны изгеләндерү 19-нчы гыйнварда 10.00 сәгатьтән 12.00 сәгатькә кадәр башкарылачак.

(Казан шәһәре KZN.RU, 13-нче гыйнвар көнне, Ксения Швецова). 19-нчы гыйнварда православие динендәгеләр төп бәйрәмнәрнең берсе - Крещение Господнены билгеләп үтәләр. Бу көнне Казанның барлык гыйбадәтханәләрендә дә бәйрәм гыйбадәтләре узачак. Суны изгеләндерү бәйрәм гыйбадәтеннән соң – 10.00 сәгатьтән 12.00 сәгатькә кадәр барачак, дип хәбәр итте бүгенге эшлекле дүшәмбе вакытында Телләрне үстерү һәм иҗтимагый оешмалар белән үзара хезмәттәшлек бүлеге башлыгы Илнур Шакиров.

Татарстан башкаласында качману керәшен йоласын дүрт суда коену урынында башкарырга мөмкин булачак: Югары Кабан күлендә Дәүләки ур, 8 («Сокол» кафесы) ягыннан , Казансу елгасында Нерукотворный образ Христа Спасителя храмы янында, Идел елгасында Приволжская, 32 адресы буенча урнашкан Николай Чудотворец чиркәве янында, Красная Горка торак массивында һәм 5 нче Кадышев урамы, 12 адресы буенча урнашкан «Живоносный Источник» Изге Ана иконасы хөрмәтенә төзелгән храм янындагы Часовняда-бәкедә, Савиново торак массивында.

И.Шакиров сүзләренә караганда, йола уздыру урыннарында Качмануны бәйрәм итү өчен барлык кирәкле шартлар да тудырылачак, ә гражданнарның иминлеген тәэмин итү өчен гражданнарны саклау, ашыгыч медицина ярдәме, полиция хезмәтләре җәлеп ителәчәк.