Казанда 9 яшьлек баланы бәрдереп китү очрагының шаһитларын эзлиләр

Казан Дәүләт автоинспекциясе әлеге вакыйга шаһитларыннан түбәндәге телефон аша элемтәгә чыгуларын сорый: 8 (843) 533-38-19, 8 (843) 533-38-48.

(Казан шәһәре KZN.RU, 15-нче март). Казанда 9 яшьлек мәктәп укучысын бәрдергән очракның шаһитларын эзлиләр. Юл-транспорт һәлакәте 14-нче мартта 16.10 сәгатьтә Рихард Зорге урамы буенча урнашкан 81-нче номерлы йорт ишегалдында була. Машина йөртүче юл-транспорт һәлакәте урыныннан качкан, баланың уң табан астына зыян килгән.

Узган тәүлек эчендә Татарстан башкаласында 225 юл-транспорт һәлакәте теркәлгән, аларның 1-се баланы бәрдерү белән бәйле. Бер көн эчендә 469 машина йөртүче һәм 228 җәяүле юл хәрәкәте кагыйдәләрен бозган өчен административ җаваплылыкка тартылган. 19-ы куркынычсызлык каешын куллану кагыйдәләрен бозган өчен; 92-се җәяүлеләргә хәрәкәт иткәндә өстенлек бирмәгән, 2-се – балаларны йөртү кагыйдәләрен бозган. 5 автомобиль йөртүче исерек килеш транспорт чарасы белән идарә иткән өчен тоткарланган.

Дәүләт автоинспекциясе машина йөртүчеләрне, юл-транспорт һәлакәтләрендә катнашып, урыннан качкан өчен транспорт чаралары белән идарә итү хокукыннан бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралганлыгы хакында искәртә.

Шулай ук укыгыз

Барлык яңалыклар