Казанда 57 яшьлек хатынны бәрдерүчеләрнең шаһитларын эзлиләр

Машина йөртүче һәлакәт урыныннан качып китә.

(Казан шәһәре KZN.RU, 24-нче июнь). Казанда 57 яшьлек хатынны бәрдерүчеләрне күргән кешеләрне эзлиләр. Авария 23-нче майда 8.30 сәгатьтә Водстрой урамындагы 8а номерлы йорт янындагы территориядә була. Юл-транспорт һәлакәте нәтиҗәсендә ханымның табан асты яралана. Машина йөртүче һәлакәт урыныннан качып китә.

Казан Дәүләт автоинспекциясе әлеге вакыйга шаһитларыннан түбәндәге телефоннар аша мөрәҗәгать итүләрен сорый: (843) 5-333-810, 5-333-848. Исегезгә төшерәбез, юл-транспорт һәлакәтләре урыныннан качкан өчен транспорт чаралары белән идарә итү хокукыннан бер елдан алып бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралган.

Казанда узган ялларда, 21-23 июньдә, 410 юл-транспорт һәлакәте теркәлгән.

Шулай ук укыгыз

Барлык яңалыклар