Казанда мобилизацияләнүчеләр өчен сугышчан көрәш курслары оештырылды

Ике ай дәвамында олимпия резервы мәктәбе тренерлары самбо буенча дәресләр бирәчәк.

Фото: Марат Мөгыйнов

(Казан шәһәре KZN.RU, 14 нче октябрь). «Казан Экспо»дагы һәм танк полигонындагы мобилизацияләнүчеләрне әзерләү программасына самбо буенча өстәмә дәресләр кертелде. Декабрьгә кадәр ике ай дәвамында «Батыр» республика олимпия резервы мәктәбе тренерлары курсның шәхси составына самбо буенча дәресләр бирәчәк. Бу төп кулланылган көрәш төре, ул көндәшне үз-үзен саклауда нейтральләштерү өчен иң нәтиҗәле.

«Самбо – организмны ныгытучы, чыдамлыкны арттыручы универсаль көрәш төре. Самбо дәресләре көч һәм рух күнегүләренә ярдәм итә. Безнең тренерлар составының нәтиҗәгә эшләү тәҗрибәсе зур, һәркемнең уңышлары булачаклыгына ышанам», – диде ТР спорт министры Владимир Леонов.

Тренировкалар көн саен дүрт сәгать дәвамында барачак, мобилизация пунктындагы барлык шәхси составны колачлау планлаштырыла, дип хәбәр итә ТР Спорт министрлыгының матбугат хезмәте.

Дәресләрне Россия Дәүләт Думасы депутаты Илья Вольфсон инициативасы белән ТР Самбо федерациясе белән берлектә ТР Спорт министрлыгы оештырды.

Шулай ук «Казан Экспо»да «Хезмәткә һәм оборонага әзер» бөтенроссия физкультура-спорт комплексы нормативларын тапшыру өчен җайланмалар урнаштырдылар.

Шулай ук укыгыз

Барлык яңалыклар