Татарстан башкаласында «Казан» гаилә үзәге янындагы үзәк шәһәр чыршысын сүтәчәкләр

Татарстан башкаласында «Казан» гаилә үзәге янындагы үзәк шәһәр чыршысын сүтәчәкләр

<div class="detail-picture"> <img src="https://kzn.ru/upload/iblock/3f4/3f4538ce8c0f728c3abcf18e672bba4d.jpg"> <p class="detail-picture__caption"> Денис Гордийко фотосы </p> </div> <p> Пәнҗешәмбе, 15 гыйнвар көнне, «Казан» гаилә үзәге янындагы үзәк шәһәр чыршысын сүтә башлыйлар. Бу хакта Тышкы төзекләндерү комитеты хәбәр итә. </p> <p> Бу елны <a target="_blank" href="https://kzn.ru/meriya/press-tsentr/novosti/v-kazani-nachalsya-montazh-glavnoy-gorodskoy-elki/?lang=ta">35 метрлы Яңа ел чыршысы</a>, узган еллардагы кебек үк, 76,5 мең гирляндадан торган яктылык утлары белән бизәлгән иде. «Чыршы» дигән яктылык инсталляциясенең башка масштаблы конструкция – «Чатыр» белән бергә эшләве аеруча үзенчәлекле бәйрәм мохите булдырган. Диаметры 60 метр булган шар формасындагы җыела-сүтелә торган мультимедиа инсталляциясен 1280 яктылык гирляндасы бизәгән. Ике җайланманың берьюлы эшләве, халык күңелендә матур хатирәләр уятып, яктылык тамашасы тудырган. </p> <p> Исегезгә төшерәбез, Казанның үзәк чыршысын ачу тантанасы <a target="_blank" href="https://kzn.ru/meriya/press-tsentr/novosti/tsentralnaya-gorodskaya-elka-u-tsentra-semi-kazan-otkroetsya-23-dekabrya/?lang=ta">23 декабрьдә</a> узды. Әлеге чара Татарстан башкаласында Яңа ел бәйрәмнәрен башлап җибәрде. Чыршыда бәйрәм утларын кабызу тантанасы интерактив тамаша, ачык һавада «Кышкы бизәкләр» күргәзмәсе белән бергә үрелеп барган, мәйданда бәйрәм рухындагы сәүдә рәтләре эшләгән. Шулай ук биредә тәм-томнары булган Яңа ел ярминкәсе гөрләгән. </p> <p> Яңа елны «Казан» гаилә үзәге янында һәм «Черек күл» паркында <a target="_blank" href="https://kzn.ru/meriya/press-tsentr/novosti/novyy-god-u-tsentra-semi-kazan-i-v-parke-chernoe-ozero-vstretili-bolee-55-tys-chelovek/?lang=ta">55 меңнән артык кеше</a> каршы алган. </p>

2026-01-13T14:44:27+0300