Казанда Серов урамының бер өлеше ябыла

Бу торак комплекс төзелеше мәйданчыгына керү юлы ясау белән бәйле.

(Казан шәһәре KZN.RU, 18-нче июль). Казанда 27 июль 22.00 сәгатьтән 29 июльгә кадәр һәм 3 август 22.00 сәгатьтән 5 августка кадәр Серов урамы өлешчә ябыла.

Серов урамында төзелә торган торак комплекс районында, Кызыл Маяк урамының 39-нчы йорты янында, төзелеш мәйданчыгына керү юлы ясалачак, дип хәбәр иттеләр Тышкы төзекләндерү комитетында.