Казанда 9 нчы майда бәйрәм салютыннан соң җәмәгать транспорты эшен көчәйтәчәкләр

Бәйрәмгә әзерлек көннәрендә Меңьеллык мәйданында һәм кайбер урамнарда хәрәкәт чикләнә

9 нчы майда Казанда җәмәгать транспорты көчәйтелгән режимда эшләячәк. Салюттан соң «Энергетика университеты» тукталышында һәм Мәскәү урамында урнашкан сәүдә үзәге бинасы янындагы тукталышта халыкны өстәмә транспорт көтәчәк.

Бәйрәм чараларын әзерләү һәм үткәрү белән бәйле рәвештә транспорт чаралары хәрәкәте түбәндәге көннәрдә чикләнә:

30 нчы апрельдә 9:00 сәгатьтән 12:00 сәгатькә кадәр 1 Май мәйданында;

3 нче майда 18:00 сәгатьтән 23:00 сәгатькә кадәр Меңьеллык мәйданында;

7 нче майда 16:00 сәгатьтән 22:00 сәгатькә кадәр Меңьеллык мәйданында, Чернышевский урамына кадәр Уң як Болак һәм Сул як Болак урамнарын да кертеп;

8 нче майның 16:00 сәгатеннән 10 нчы майның 2:00 сәгатенә кадәр Меңьеллык мәйданында;

8 нче майның 18:00 сәгатеннән 9 нчы майның 22:00 сәгатенә кадәр Бондаренко урамында.

Шулай ук укыгыз

Барлык яңалыклар