Казанда 23 ноябрьдә Үзәк стадион янында транспорт парковкасы чикләнәчәк

Бу көнне «Рубин» (Казан) – «Зенит» (Санкт-Петербург) командалары арасында футбол матчы узачак.

(Казан шәһәре KZN.RU, 20-нче ноябрь). 23-нче ноябрь көнне Казанның Үзәк стадионында 14.30 сәгатьтә «Рубин» (Казан) – «Зенит» (Санкт-Петербург) командалары арасында футбол матчы узачак. Шуңа бәйле рәвештә спорт корылмасы янындагы урамнарда транспорт парковкасы чикләнәчәк.

Дәүләт автоинспекциясе стадионга килүчеләргә транспорт чараларын ЦУМ, «Кремль» метро станциясе, Батурин урамында, Профсоюз һәм Кави Нәҗми урамнары чатында, Профсоюз һәм Астрономия урамнары киселешендәге парковкаларда калдырырга тәкъдим итә.

Стадион янындагы урамнарда юл хәрәкәте кагыйдәләре буенча урнаштырылмаган транспорт чаралары махсус саклана торган стоянкаларга эвакуацияләнәчәк, дип хәбәр итә Казанның ЮХИДИ матбугат хезмәте.

Шулай ук укыгыз

Барлык яңалыклар