Б.Рәмиев исемендәге ИТ-паркта Татарстанның иң яхшы яшь белгечләрен хөрмәтләү тантанасы узды

Б.Рәмиев исемендәге ИТ-паркта Татарстанның иң яхшы яшь белгечләрен хөрмәтләү тантанасы узды

<div class="detail-picture"> <img src="https://kzn.ru/upload/iblock/e35/e351e8dc20ec339359ebdb830b69ba16.jpg"> <p class="detail-picture__caption"> Фото Татарстан Республикасы рәисе матбугат хезмәтеннән алынды </p> </div> <p> Б.Рәмиев исемендәге ИТ-паркта һөнәри осталык буенча «Профессионаллар» һәм «Абилимпикс» чемпионат хәрәкәтләрендә, «Архипелаг» пилотсыз авиация системалары буенча илкүләм ярышларда җиңүчеләрне һәм призлы урыннарга ия булучыларны хөрмәтләү тантанасы узды. Яшь белгечләрне Татарстан Республикасы рәисе Рөстәм Миңнеханов котлады. Чарада шулай ук Казан мэры Илсур Метшин да катнашты. </p> <p> Республика рәисе чемпионнарны һәм призлы урыннарга ия булучыларны югары нәтиҗәләре белән котлады, остазларга һәм шәхси үрнәге белән яңа белгечләрне үстерүдә ярдәм итүчеләргә аерым рәхмәт белдерде. </p> <p> Ул билгеләп үткәнчә, ел саен республиканың иң яхшы белгечләре белән очрашулар күркәм гадәткә әверелде. «Сезнең һәрберегез үз хезмәте һәм тырышлыгы белән чын профессионализм, сайлаган юлына тугрылык һәм югары нәтиҗәләргә ирешү сәләте үрнәге күрсәтә. Сезнең тырышлыгыгыз, тәҗрибәгез һәм үҗәтлегегез нәтиҗәсендә Татарстан, дөньякүләм дәрәҗәдәге кадрлар әзерләргә сәләтле көчле һәм көндәшлеккә сәләтле төбәк абруен раслап, теләсә кайсы дәрәҗәдәге ярышларда үз позицияләрен уңышлы яклауны дәвам итә», - диде Рөстәм Миңнеханов. </p> <p> 2025 елда татарстанлылар «Абилимпикс» чемпионатында 69 медаль яулаган, гомумкоманда зачетында 2 нче урынга ия булган, шулай ук «Профессионаллар» хәрәкәтендә 243 медаль һәм 72 медальон алган. Моннан тыш, республика вәкилләре, «Архипелаг» ярышларында командалар арасында беренче урын яулап, Россиядә иң яхшы дрон операторлары булып танылган, дип хәбәр итә Татарстан Республикасы рәисе матбугат хезмәте. </p> <p> <img src="https://kzn.ru/upload/iblock/dac/dace8ac117b45146c51644912b00b54c.jpg"><br> </p> <p> </p> <p> «Сезнең һәр бүләгегез – ул бөтен республика уңышы. Сезнең казанышлар яшьләр өчен якты ориентир булып хезмәт итә, аларны һөнәри күнекмәләрен үстерергә һәм яңа үрләргә омтылырга рухландыра. Мондый мөһим вакыйгаларда катнашу белгечләрнең яңа буынын формалаштыра, алар сәнәгать, фән һәм җәмгыять алдында торган амбициоз бурычларны хәл итәргә әзер. Татарстан киләчәктә дә чемпионат хәрәкәтләренә ярдәм итүен һәм аларның югары стандартларын мәгариф һәм җитештерү практикасына кертүен дәвам итәчәк», - дип мөрәҗәгать итте Рөстәм Миңнеханов тантанада катнашучыларга. </p> <p> Ул билгеләп үткәнчә, республикадан чемпионатта катнашучы талантлы кешеләр саны даими рәвештә арта бара. Россия Президенты кушуы буенча узган елның июлендә Казанда «Абилимпикс» махсус хәрби операциясендә катнашучылар арасында беренче чемпионат узды. Шулай ук Татарстан ветераннары Мәскәүдә узган илкүләм чемпионатта республиканы лаеклы тәкъдим иттеләр, 11 медаль яуладылар. «Хөрмәтле ветераннар! Без сезнең уңышларыгыз белән горурланабыз һәм яшьләргә күрсәткән үрнәгегез өчен рәхмәт белдерәбез. Ышанам ки, сезнең казанышлар республика һәм ил файдасына булачак җиңүләр өчен ныклы нигез булыр», - дип ассызыклады республика рәисе. </p> <p> Аннары Рөстәм Миңнеханов дәүләт бүләкләре тапшырды. Татарстан Республикасының «Фидакарь хезмәт өчен» медале белән Казан педагогика көллияте директоры урынбасары, «Мәктәпкәчә тәрбия» компетенциясе буенча эксперт Эльмира Ульянова, шулай ук «Россия кооперация университеты» РФ Үзәк бергәлегенең Казан кооператив институты (филиалы) әйдәп баручы белгече, «Визуаль мерчендайзинг» компетенциясе буенча эксперт Вероника Сафина бүләкләнде. Моннан тыш, ТР Рәисе рәхмәтенә мәгариф оешмалары җитәкчеләре, экспертлар һәм остазлар лаек булды. </p> <p> <img src="https://kzn.ru/upload/iblock/606/606d8b6e75107b60e45d2f0ac0f4be5c.jpg"><br> </p> <p> </p> <p> Ярышларда катнашудан алган тәэсирләре турында «Башкару осталыгы (Вокал)» компетенциясендә «Абилимпикс» илкүләм чемпионаты җиңүчесе Азалия Яфясова һәм «Фотограф» компетенциясендә МХОдә катнашучылар арасында «Абилимпикс» илкүләм чемпионаты җиңүчесе Руслан Харрасов сөйләде. </p> <p> Татарстанда «Абилимпикс» хәрәкәте 2016 елдан бирле актив үсеш кичерә. Төп максат – сәламәтлеге чикле кешеләрнең социаль инклюзиясен үстерү, аларның һөнәри ориентациясе, үзбилгеләнүе, үз-үзләрен үстерү, шулай ук аларның хезмәт мәшгульлегенә ярдәм итү. 2025 елның июлендә Казанда МХОдә катнашучылар арасында һөнәри осталык буенча беренче «Абилимпикс» чемпионаты узды. </p> <p> Һөнәри осталык буенча «Профессионаллар» бөтенроссия чемпионаты хәрәкәте, Россиянең WorldSkills әгъзалыгы вакытында тупланган тәҗрибәне исәпкә алып, 2023 елда булдырылган. Бу икътисад тармакларын кадрлар белән тәэмин итүгә ярдәм итүне максат итеп куйган ярыш чаралары. </p> <p> «Архипелаг» проект-белем бирү интенсивы пилотсыз системалар технологияләрен үстерүгә һәм бу өлкәдә белгечләргә ярдәм итүгә юнәлдерелгән. </p> <p> <i>Марат Мөгыйнов фотолары</i> </p>

2026-01-14T14:06:45+0300