Казан Башкарма комитетында хезмәт хокукларын бозу мәсьәләләре буенча кайнар линия эшли

Гражданнар мөрәҗәгатьләре шулай ук Татарстан дәүләт хезмәтләре порталында “Халык контроле” системасында кабул ителә.

(Казан шәһәре KZN.RU, 29-нчы июнь). Казан Башкарма комитетында хезмәт хокукларын бозу мәсьәләләре буенча кайнар линия эшли. (843) 299-16-53 телефоны буенча казанлылар хезмәт хакларын түләмәү яисә соңарып түләү, эштән китәргә мәҗбүр итү, хезмәтне законлаштыру буенча проблемалар, отпуск акчасын күчерү тәртипләрен бозу, хезмәтне саклау тәртипләрен бозу, җитештерүдә бәхетсезлек очракларын, һөнәри авыруларны яшерү һ.б. мәсьәләләр буенча шалтырата алалар.

Кабул ителгән зарлар индивидуаль тәртиптә каралачак. Моннан кала, гражданнар мөрәҗәгатьләре шулай ук Татарстан дәүләт хезмәтләре порталында “Халык контроле” системасында, +7 (843) 525-20-23 номеры белән ТР Дәүләт хезмәт инспекциясе кайнар линия телефоны буенча, www.онлайнинспекция.рф адресы буенча хезмәткәрләр һәм Федераль хезмәт инспекциясе арасында хезмәттәшлекне тәэмин итә торган электрон сервислар системасы аша кабул ителә.

Шулай ук исәкртеп үтәргә кирәк, Россия Федерациясе гражданнарының хокукларын һәм мәнфәгатьләрен яклауның иң нәтиҗәле чараларының берсе суд булып тора. анда хезмәткәр хокук бозу турында белгәч, 3 ай эчендә мөрәҗәгать итә ала, ә эштән чыгу бәхәсләре буенча – 1 ай эчендә.

Шулай ук укыгыз

Барлык яңалыклар