Казан Башкарма комитетында күп балалы гаиләләр өчен бүленгән участокларны инженерлык челтәрләренә тоташтыру мәсьәләләре турында фикер алыштылар

Киңәшмәне Казан Башкарма комитеты җитәкчесе урынбасары Радик Шәфигуллин уздырды.

(Казан шәһәре KZN.RU, 29-нчы декабрь). Казан Башкарма комитетында Казанның күп балалы гаиләләренә бушлай җир кишәрлекләре бирү һәм әлеге территорияләрне кирәкле инженерлык инфраструктурасы белән тәэмин итү мәсьәләләре турында фикер алыштылар. Түгәрәк өстәлдә Казан, Биектау һәм Лаеш районнары башкарма комитетлары, республика министрлыклары, ресурслар белән тәэмин итә торган оешма вәкилләре катнашты. Киңәшмәне Казан Башкарма комитеты җитәкчесе урынбасары Радик Шәфигуллин уздырды.

Түгәрәк өстәлдә күп балалы гаиләләр эксплуатацияләнә торган оешмалар, муниципаль районнарның вәкилләренә, «Казгражданпроект институты» муниципаль бюджет учреждениесенең күп балалы гаиләләр өчен бистәләр планлаштыру проектларын эшләүчеләргә сораулар бирә алды. Аерым алганда, түгәрәк өстәлдә катнашучылар электр, газ һәм су белән тәэмин итү инженер челтәрләренә техник тоташтыру мәсьәләләре турында фикер алышты.

Казан Башкарма комитеты вәкилләре билгеләп үткәнчә, күп балалы гаиләләргә бирелгән җир кишәрлекләрен инфраструктура белән тәэмин итү (юллар, газүткәргечләр, канализация, электр белән тәэмин итү) бүгенге көндә актуаль мәсьәләләрнең берсе булып кала бирә. «Бары тик уртак көч белән генә без бу мәсьәләне хәл итүдә уңай нәтиҗәләргә ирешә алачакбыз», – диде Радик Шәфигуллин.

Күп балалы гаиләләр территориаль принцип буенча инициативалы төркемнәр булдырганнар. Аларның вәкилләре, килеп туган проблемаларны мөмкин кадәр тиз арада хәл итү өчен, шәһәр Башкарма комитеты белән даими диалогта тора.

Исегезгә төшерәбез, күп балалы гаиләләрне җир кишәрлекләре белән тәэмин итү чаралары Казанда 2011 елдан бирле тормышка ашырыла. Бушлай җир кишәрлекләре Татарстанның Биектау, Лаеш районнары территорияләрендә, шулай ук Казанның Константиновка һәм Зур Дәрвишләр бистәләрендә бирелә. Программа эшләү дәверендә 6245 гаилә җир кишәрлекләрен сайлаган. Казан территориясендә барлыгы 13576 гаилә бушлай участок алу хокукына ия.

Күп балалы гаиләләргә җир кишәрлекләре бүлеп бирү турында тулырак мәгълүматны Җир һәм милек мөнәсәбәтләре комитетының интернет-битендә табарга була.

Шулай ук укыгыз

Барлык яңалыклар