«Игелекле эшләр көне» фондында түләүсез юридик консультацияләр узачак

Кабул итү алдан язылу буенча башкарылачак.

Фото: Марат Мугинов

(Казан шәһәре KZN.RU, 17-нче май). «Игелекле эшләр көне» хәйрия фондында юристлар белән очрашулар узачак. Казанлыларны гаилә һәм торак хокукы, милек һәм гомуми юридик мәсьәләләр буенча экспертлар консультацияләячәк. Кабул итү алдан язылу буенча башкарылачак.

Атна саен гомуми мәсьәләләр буенча консультацияләрне юрист Илдар Кыямов үткәрә.

21-нче майда гаилә мәсьәләләре буенча белгеч кабул итәчәк. Татарстанда балалар омбудсмены җәмәгать ярдәмчесе Наталья Веретенникова аерылышу, милекне бүлү, никах контрактын төзү, баланың яшәү урынын билгеләү, алимент билгеләү, ата булу һәм башка процедураларның нечкәлекләрен ачыкларга ярдәм итәчәк.

Казанлыларга торак законнары темасына Татарстан Республикасы Торак-коммуналь хуҗалыгы өлкәсендә төбәк иҗтимагый контроль үзәге белгечләре консультация бирә. Очрашу 25-нче майда узачак.

31-нче май көнне Росреестр һәм Кадастр палатасы белгечләре күчемсез милекне рәсмиләштерү, сату-алу, бүләк итү һәм башка мәсьәләләр буенча кабул итәчәкләр.

Юристларның кабул итүе 10:00 сәгатьтән 12:00 сәгатькә кадәр Калинин ур., 3 адресы буенча «Игелекле эшләр көне» фондында узачак. Консультациягә язылу өчен +7(843)236-65-61 телефоны буенча шалтыратырга кирәк, ә килгәндә битлек кияргә кирәк, дип хәбәр итә хәйрия фондының матбугат хезмәте.

Шулай ук укыгыз

Барлык яңалыклар