#МЫВМЕСТЕ халыкара премиясе финалына Татарстаннан ике проект чыкты

Идеяләр өчен 6 нчы ноябрьгә кадәр тавыш бирергә мөмкин

Фото: Денис Гордийко

(Казан шәһәре KZN.RU, 2 нче ноябрь). Татарстаннан ике проект #МЫВМЕСТЕ халыкара премиясенең өченче сезоны финалына үтте. 6 нчы ноябрьгә кадәр казанлылар алар өчен ДОБРО.РФ платформасында тавыш бирә ала.

Гуманитар ярдәм күрсәтү һәм махсус хәрби операциядәге хәрбиләргә ярдәм итү идеясе белән Илнар Зиннәтуллин чыгыш ясады. Ул шулай ук хәрбиләргә ярдәм итәчәк волонтерлар командасын оештырырга тәкъдим итте. «Тормышны кадерлик» проекты өчен сылтама буенча тавыш бирергә мөмкин.

Балаларның финанс грамоталылыгын арттыру «Ак Барс Созидание» хәйрия фондының «Благопредприниматель» проектының максаты булды. Онлайн-форматта практик-ориентлы уку курсын эшләтеп җибәрү планлаштырыла, балалар үз бизнес-планнарын эшләячәк һәм яклаячак, аларны гамәлгә ашыруда ярдәм алачак. Проект өчен сылтама буенча тавыш бирергә мөмкин.

#МЫВМЕСТЕ премиясе – 10 ел дәвамында илдә уздырыла торган «Россия волонтеры» бөтенроссия конкурсының шул ук исемдәге үзара ярдәм акциясенең дәвамы һәм мирасы. Бүләкне РФ Президенты Владимир Путин тапшыра.

Төп максат – кешеләргә ярдәм итүгә, шулай ук Россиядә һәм дөньяда тормыш сыйфатын яхшыртуга юнәлдерелгән иҗтимагый әһәмиятле инициативалар тәкъдим итүче активистларны барлау һәм аларга ярдәм итү.

Шулай ук укыгыз

Барлык яңалыклар