Февральдә «Библиобус» мобиль китапханә комплексы Казанда эшләвен дәвам итәчәк

Ул гадәттәгечә Ветераннар йортына, Самосырово һәм Вознесение бистәләренә киләчәк.

Фото: Денис Гордийко

(Казан шәһәре KZN.RU, 20-нче гыйнвар). «Библиобус» Казан мобиль китапханә комплексы үз эшен февральдә дәвам итәчәк. Ул Самосырово һәм Вознесение бистәләренә, Ветераннар йортына киләчәк.

Вознесениедә мобиль китапханә комплексы 4-нче, 18-нче февральдә 15.00 сәгатьтә Нардуган урамы, 45 адресы буенча тукталачак. Дубравная урамы, 35 адресы буенча Ветераннар йортына ул 8-нче һәм 22-нче февральдә 13.00 сәгатьтә киләчәк. Самосырово бистәсендә, Мир урамы, 50а адресы буенча аны 11-нче һәм 25-нче февральдә 14.00 сәгатьтә көтәләр.

Исегезгә төшерәбез, мобиль китапханә комплексы шәһәрдән читтә урнашкан бистәләргә һәм Ветераннар йортына хезмәт күрсәтә. «Библиобус» - ГАЗ-2705 автомобиле - 1,5 меңгә кадәр китапны сыйдыра, шул исәптән балалар өчен язылган китапларны да. Моннан тыш, комплекс стационар китапханәләр фондларын яңартуда һәм китап укучылар соравы буенча басмалар китерүдә ярдәм итә, дип хәбәр иттеләр «Казанның үзәкләштерелгән китапханәләр системасы» муниципаль бюджет мәдәният учреждениесендә.

Шулай ук укыгыз

Барлык яңалыклар