Быел Казанда хайваннар өчен кунакханә һәм стационар белән ветклиниканы реконструкцияләүнең икенче этабы төгәлләнәчәк

Зоокунакханә форматындагы 3 мең кв. м мәйданлы ветеринария үзәге Идел буенда иң алдынгыларның берсе булачак.

(Казан шәһәре KZN.RU, 10-нчы февраль, Ксения Швецова). Быел Казанның Совет районында Берьяклы Нокса урамында урнашкан ветеринария дәваханәсен реконструкцияләүнең икенче этабын төгәлләү планлаштырыла. Клиника корпусын яңартканнан соң, детальле лаборатория диагностикасы һәм катлаулырак дәвалау манипуляцияләре үткәрү мөмкинлеге барлыкка киләчәк. Зоокунакханә форматында төзелгән 3 мең квадрат метр мәйданлы ветеринария үзәге Татарстанда беренче һәм Идел буенда иң алдынгыларның берсе булачак. Бу хакта бүгенге эшлекле дүшәмбе вакытында «Дәүләт ветеринария берләшмәсе» дәүләт бюджет учреждениесе башлыгы Тимур Галеев хәбәр итте.

Соңгы елларда Татарстан башкаласында ветеринария берләшмәсен үстерү буенча масштаблы эш алып барыла, дип искәртте Т.Галеев. Бу эш кысаларында узган елда Совет районында Берьяклы Нокса урамы буенча урнашкан клиниканы, күп профильле дәүләт ветеринария үзәге оештырып, реконструкцияләү эше башланды.

Реконструкциянең беренче этабы тәмамланды – бүгенге көндә йорт хайваннары өчен 130 кв. метр мәйданлы кунакханә файдалануга тапшырылды һәм тулы көченә эшли. Анда хайваннарны сәгать һәм тәүлек дәвамында карап тоту буенча сыйфатлы хезмәтләр күрсәтелә. Хайваннарны профессиональ ветеринарлар карый, ә зур һавада йөрү зонасы хайваннарны стандарт һавада йөрү урыны белән тәэмин итү генә түгел, төрле эт токымнары өчен тренировка программалары да үткәрергә мөмкинлек бирә, дип билгеләп үтте Т.Галеев. Бер үк вакытта зоокунакханәләрдә 50 хайван яши ала. «Бездә җәйге вольерлар, зур этләр өчен бүлмәләр, вак йорт хайваннары өчен читлекләр бар, – дип сөйләде Т.Галеев. - Хайванны, мәсәлән, ялга китсәгез, биредә калдырырга була. Аның артыннан карау тулысынча тәэмин ителәчәк».

Бәясенә яшәү, туклану, кирәк булганда – һавада йөрү, тренировкалар һәм башка хезмәтләр кертелгән.

Быел хастаханәнең клиник корпусында реконструкциянең икенче этабын төгәлләү планлаштырыла. Ул визуаль һәм лаборатория диагностикасын үткәрү мөмкинлеген арттырырга, шулай ук катлаулы дәвалау манипуляцияләрен үткәрергә мөмкинлек бирәчәк. Тернәкләндерү үзәгенең мөмкинлекләре зур оператив тыкшынулардан соң һәм хроник һәм сирәк очрый торган авырулардан соң авыручы хайваннарны карарга, аларның исән калуына мөмкинлек бирәчәк», - дип аңлатты ветеринария берләшмәсе башлыгы.

Хәзерге вакытта клиника белгечләр һәм кирәкле җиһазлар белән тулысынча тәэмин ителгән. «Шулай итеп, агымдагы ел ахырына без 2015 елда башланган дәүләт хастаханәләрен капиталь ремонтлау һәм модернизацияләү проектын төгәлләргә планлаштырабыз», – диде Т.Галеев.

«Хайваннар үзләренә игътибар таләп итә. Без шәһәрдә кешеләр өчен генә түгел, хайваннар өчен дә инфраструктура үсүен күрәбез, – дип билгеләде Казан Башкарма комитеты җитәкчесе Денис Калинкин.