Быел Татарстанның иҗтимагый экологик кабул итү бүлмәсе 10,5 мең хәбәр алды

Табигать саклау законнарын бозу турында телефон, электрон почта, дәүләт хезмәтләре сайтында һәм мобиль кушымта аша хәбәр итәргә мөмкин.

(Казан шәһәре KZN.RU, 20-нче декабрь). Быел Республика иҗтимагый экологик кабул итү бүлмәсенә 10 мең 520 хәбәр керде. Экологларның иң актив ярдәмчеләре мәктәп укучылары булды – барлык хәбәрләрнең 53% "Мәктәп экопатруле" мобиль кушымтасы аша килде. "Халык контроле" системасы ярдәмендә экологлар дәүләт хезмәтләре сайтында 1330 мөрәҗәгать карады, 1315 белдерү WhatsApp, Telegram, Eco.signal һәм кайнар линия аша килде. Гражданнарны шәхси кабул итү барышында һәм министрлык аша 2270 мөрәҗәгать кабул ителде.

Татарстан Республикасы Экология һәм табигый байлыклар министрлыгының матбугат хезмәте хәбәр иткәнчә, табигатьне саклау законнарын бозу очраклары турында кайнар линия телефоны аша хәбәр итәргә була: (843)267-68-67; электрон почтага: eco.signal@tatar.ru; интернет-кабул итү бүлмәсенә; өстәмә элемтә каналлары буенча - WhatsApp һәм Telegram: 8(987) 216-97-59; “Халык контроле” системасына (“Экология” категориясе) һәм “Мәктәп экопатруле”мобиль кушымтасы аша.

Шулай ук укыгыз

Барлык яңалыклар